تجربتي في ..

في عصرنا الحالي ولسهولة وسرعة التواصل بين الناس أصبح تبادل الخبرات والآراء شيء بديهي ومهم جداً وحتى شركات البيع الكبرى كالآمازون أصبحت تعتمد في مبيعاتها على آراء وتجارب زبائنها. وإنطلاقاً من إيماننا بأن هذا النوع من المحتوى سيكون ركيزاً أساسياً في الويب العالمي خلال السنوات القادمة تم إطلاق هذا القسم المهم والشيق جداً في موقعنا.

اضف تجربتك في..

ملاحظة:
لكي يتم نشر تجربتك لا بد أن تكون باللغة العربية, وتذكر كلما كانت الكتابة أقرب للفصحى كما كان شريحة المستفيدين منها أوسع.

في أي عام كانت تجربتك؟

تجربتك كانت في..

داخل ألمانيا

خارج ألمانيا

في أية مدينة كانت تجربتك؟

اختر باباً مناسباً لتجربتك مما يلي

اكتب عنواناً معبراً عن تجربتك

إضافة التجربة +

تجربتي في حصولي علىمقعد جامعي لدراسة الطب بشري بمعدل 1,3 من ثلاث جامعات سنة 2017

04.11.2017 | امتحان TestAS | المشاهدات 1326

السنة : 2017
المكان : داخل ألمانيا
المدينة : Leipzig

اصدقائي الطلاب والطالبات العرب,

انا حابب شارك تجربتي لانو انا قبل قراءت تجربت حدا واستفدت منا وشجعتني اني كافح لحتى حصل المقعد فلعلا حدا يستفاد منا.
انا بنص الشهر الرابع 2015 دخلت المانيا عن طريق فيزا دراسية وباخر الشهر نفسو بلشت كورس لغة A1. كورسي استمر لا 9 الشهر 11 كنت مخلص ال B1. ب 10 الشهر 11 بلشت كورس ال B2 واستمر لمنتصف الشهر الثالث, طبعا هدا كان عبارة عن كورس ال B1-plus و B2.انا كنت بنفس الوقت عم حضر لحالي لفحص التيست داف اللي كان موعدو ب 20 الشهر الرابع. ب 20 الشهر التالت بلشت كورس C1 بس ماحضرت غير اسبوعين لانو كنت بدي حضر لفحص التست داف بالشهر الرابع. المهم درست فحص التيست داف لحالي وفي الواحد يقول بدون كورس C1 ) السبب انو الكورس كان سئ جدا)
قدمت الفحص ب 20 الشهر الرابع وجبت 4443 وال3 بالليزن. بعد نتيجة الامتحان راسلت جامعة لايبزك منشان قبول لفحص DSH وجبت في DSH2 وكان فيني سجل هندسة معلوماتية وبلش بالشهر العاشر 2016 بس رفضت اني استسلم , وبنفس الفترة قدمت مرة تانية التست داف وجبت في 5543 كمان بالليزن. المهم رحت عالجامعة وحكيتلا قصتي لمسؤولة الطلبة الاجانب وقالتلي انو انت صعب تحصل قبول طب بشري بجامعة لايبزك وحتى بغير جامعة وقالتلي بنصحك تدرس فرع غير هالفرع. بعدا رحت لعند Studienberater وكمان كائبني وقلي املك ضعيف كتير. المهم انا بعدا بيوم بقرا منشور عنفس هي الصفحة لطالب بنفس حالتي وحصل قبول وقتا عن طريق التيست اس.
سجلت للفحص ب11.06.2016 وجبت اول مرة بدون تحضير 100 103 بعدين قمتو باخر السنة كمان بدون تحضير جبت 112 109. كنت بنفس الفترة عمساوي تدريب بالمشفى وبالشهر التاني 2017 بلشت كورس C1 وباخر الشهر الرابع حصلت DSH3.طبعا 22.02.2017 قدمت فحص التيست اس وجبت 116 ب 109
ب 09.03.2017 قدمتو بالعربية وجبت 116 112. ب 22.04.2017 قدمتو وجبت 117 111. طبعا انا ماكنت عم ادرس كتير للفحص لانو كنت مركز عاللغة اكتر منشان حصل DSH3. المهم ب 22.05.2017 قدمت اخر امتحان لا التسيت اس طبعا هدا حضرتلو مزبوط وقدرت جيب 118 115 بمعدا 95% و 93% وكان بالالماني طبعا. وراسلت بعدا كل الجامعات تقريبا واجاني بالاول كلو رفوضات و ب 09.08.2017 اجاني اول قبول من جامعة اولم وبعدا باسبوعين اجاني من هامبرغ وببالشهر العاشر اجاني من فرايبورغ Nachrückverfahren . طبعا انا سجلت باولم لانو اولم مدينة ضغيرة وما بحب المدن الكبيرة.
بدي قلك شغلة في عالم معا 1,0 وطلعلا قبول واحد وحتى اسمعت عالم ماطلعلا وانا معي 1,3 وطلعلي 3 هدا الشي بخلي الامل باقي لاتستسلم وترد ع حدا انت القادر لوحدك انك تقرر اذا فيك تحقق شي او لا . تعاب ودروس بتلاقي نتيجة.
نصيحة لكل اللي معن معدل بكلوريا متلي يحاولو يحصلو DSH3 oder TestDaF5555 لانو هيك في فرصة اكبر والتسيت اس اذا امكن بالالماني.
بتمنى التوفيق للجميع
سلام.....

تجربتي في الحصول على ٩٠٪‏ بامتحان ال DSH

20.03.2017 | تعلم اللغة الألمانية | المشاهدات 2828

السنة : 2017
المكان : داخل ألمانيا
المدينة : Magdeburg

السلام عليكم:
انطلاقا من مبدأ | النصيحة واجب | سأكتب لمن يستعد في المباشرة بالدراسة والتحضير لإمتحانات اللغة بمختلف تسمياتها سواء ( TestDaF/ DSH/ C1 Telc ).
بالرغم من اختلاف التسمية واختلاف النماذج تبقى هذه الامتحانات متكافئة الصعوبة مع وجود نقاط صعوبة مختلفة بين بعضها.

- بعد اسبوع من خروجي من سوريا ووصولي الى ألمانيا بدأت بزيارة مهعد اللغة للمستوى الأول A1 استمر قرابة الشهرين , كذلك الامر A2,B1
اتممت هذه المراحل المبتدئة من اللغة خلال فترة قصيرة نسبياٌ , ما أثر سلبا علي ورتب علي كوارث حقيقية لأني لم أخضع لامتحان أنذاك قط!!
ومن هنا اود أن أنوه لهذه النقطة --* لا تستعجل في تعلم اللغة, ففي كل ساعة تتروى بها ستتعلم كلمة جديدة, مما يعزز موقفك في المراحل المتقدمة مستقبلا*
ولكوني طالب امول نفسي بنفسي تعذر علي اكمال المرحلتين المتبقيتين في المعهد وقررت حينها اللجوء للعمل.... رغم عدم توفر المعرفة الكافية باللغة الالمانية .
عملت شهرا ووفرت بعض المال وحجزت مقعدا ب( كورس ) للتحضير لامتحان الـ TestDaF وكان على بعد حوالي شهرين.
ترتبت على عاتقي بعدها مهمة تعلم ما فاتني في المستويات B2 , C1 وفعلا قررت التعلم بنفسي اقتداءا بالمقولة ( ما حك جلدك مثل ظفرك ).
ورغم ضيق الوقت كان الشهران كافيان!
انجزتها!!
اشتريت الكتب ودرستها حرفيا, من مفردات وجمل مفيدة وطرق الكتابة وما الى ذلك.
بدأ الكورس وفعلا خلال ثلاث شهور كنت على موعد للتقدم لامتحان ال TestDaF الذي لم اتوفق به , لكني حصلت على نتيجة جيدة نسبيا حقزتني على استكمال مشواري باصرار . النتيجة كانت ( 3. 3 .5.5) الدرجة الكاملة في كل قسم هي 5 وللحصول على مقعد دراسي يحتاج الطالب ل 4.4.4.4 كحد ادنى.
مرة اخرى وبعد حوالي شهرين فقط خضعت للامتحان مجددا ولكن ضل الحظ السيء رفيق دربي (5.5.4.3)
انذاك قررت العزوف عن هذا الدرب وقررت التوجه لالمتحان من نوع اخر DSH
على الرغم من جهلي التام بهذا الامتحان__ حصلت على قبول مشروط من جامعة Magdeburg قبل الامتحان بحوالي الشهر.
ولإيقاني التام بأن المستحيل غير موجود اشتريت الكتب التي تساعد الطالب في اجتياز هذا النوع من الامتحانات التي تعتمد على المعرفة القوية بالقواعد.
كتاب Vorbereitungsbuch für die Deutschprüfung für den Hochschulzugang: كذلك كتاب القواعد للـ C1/B2
هذه الكتب متواجدة في كل المكتبات الالمانيةتقريبا.
شهر كامل من المواظبة وسباق الزمن مجددا! ولكن مجددا : انجزتها.
انتهيت من دراسة هذه الكتب وبدات بحل النماذج المتوفرة على الانترنت ولكني اقتصرت على تلك المرفقة بالحلول.

قبل الامتحان بيوم طلب مني القدوم لمركز الامتحان ودفع مبلغ رمزي للمركز وحصلت هلى معلومات حول الامتحان.
ولسوء الحظ كان هذا الامتحان من الامتحانات التي تقام على ثلاث اجزاء
في اليوم الاول القراءة والقواعد واليوم الثاني السماعي والكتابي وبعدها بأيام الشفهي.
على الرغم من تنوع وصعوبة نماذج الامتحان تمكنت والحمد لله من اجتياز الاختبار بدرجة 90% .
افضلها في السماعي 95% واسوأها في الكتابي 85% رغم ايقاني التام بحصولي على درجة لا تقل عن 95% فيه مما جعلني استنتج ان مهمة التصحيح صعبة.
كانت المواضيع تدور في مضمونها عن تعاطي المنشطات لرفع قدرة التحمل خلال العمل (القراءة والقواعد)
السماعي: الذهاب رغم المرض إلى العمل ايجابياتها وسلبياتها واسبابها.
الكتابي عن تعاطي الطلاب الالمان للمنشطات لرفع القدرة على الدراسة.
بعد انجاز المهمة الاولى في الاقسام الاربعة الاولى بقيت مهمة الابقاء على العلامة DSH3
وذلك بالحصول على ما يقل عن 83% في القسم الاخير.
دخلت لوحدي لقاعة الامتحان وانا لا اقدر على امساك القلم من الارتجاف, كان محرجا للغاية.

3 مخططات بيانية تدور حول تعداد السكان في المانيا. لم يكن هذا امرا معتادا لي بل كان صدمة زادت من ارتباكي وخوفي.
20 دقيقة للتحضير مرت بسرعة وادخلت لاجلس امام سيدتين رأيت الراحة في وجهيهما.
انطلقت بالتعريف عن نفسي وهما تدونان كلمات واشارات.
بدأت بالتعامل مع المخططات واجاول ان اتحدث بطلاقة ودون مشاكل.
حوالي العشر دقائق مرت بعد تبادل عشرات الاسئلة لم تقتصر على المخططات بل تعدتها لحياتي الشخصية في سوريا وهنا ومشاكلي في المانيا الخ....

حصلت بعدها علام تمنيت
نعم 90% كنت جديرا بالحصول عليها والاحتفاظ بـ DSH3 .

ربما لم يكن ذلك محض صدفة بل استحق الكثير من العمل والتعب وخوض غمار التبديل من امتجان لاخر.

اتمنا لكل من يقرأ هذه الكلمات أن يحصل على ما يريد وينجز ما يفخر به .
والسلام عليكم ورحمة الله وبركاته..

تجربتي في الحصول على الفيزا الدراسية من دون لغة ألمانية أو الاستعانة بمكاتب

15.09.2016 | متنوعة وشاملة | المشاهدات 1550

السنة : 2016
المكان : خارج ألمانيا
المدينة : Beirut

بدأت بالعمل على الفيزا الدراسية الجامعية في أيلول سنة 2015 بالتحضير لفحص الآيلتس، وفعلاً كما نبهني مديري في العمل، إن العمل على الفيزا يتطلب عاماً كاملاً، وهذا ما حدث، إذ أنني الآن أملك فيزا الدراسة الجامعية، واليوم هو 15 أيلول 2016.

تخرجت من جامعة دمشق عام 2012، مهندساً معلوماتياً بتخصص هندسة برمجيات ونظم معلومات، وعملت في منظمة دولية لثلاث سنوات قبل أن أترك العمل تهيؤاً للسفر. في الثلث الأخير من عام 2015، وأثناء دراستي لماجستير إدارة التكنولوجيا في سورية، لفت انتباهي أن التعليم في فنلندا جيد جداً، فبحثت عنه لأجده مجانياً، وبحثت عن الدول التي تقدم التعليم الجامعي المجاني لأجد ألمانيا، وبعد المقارنة اخترتها هي، وكنت حريصاً على الدراسة باللغة الإنكليزية، لأنني جيد فيها، ولأنه ما كانت لدي خبرة في اللغة الألمانية بتاتاً، فتقدمت إلى فحص الآيلتس في 24 تشرين الأول من عام 2015، وبعده قمت بتحصيل القبول الجامعي للدراسة باللغة الإنكليزية في ماغديبرغ، ماجستير هندسة البيانات والمعرفة، وذلك عن طريق منظمة اليوني-أسسيست، فحصلت على القبول الجامعي بهذا الأسلوب. في كل ما فعلته، لم ألجأ أبداً إلى أي مكتب من المكاتب، والتي هي بنظري هدر صريح للمال، ولقد ساعدني هذا الموقع هنا بشكل كبير، ويسعدني أن أساهم بشيء فيه يساعد زملائي كما ساعدني.

أظن أن أولى العواقب بدأت في عملية الدفع لمنظمة اليوني-أسسيست (90 يورو فقط كلفة طلبين اثنين لجامعتين اثنتين)، لأن البنك الوحيد الذي سمعت أنه يحول أموالاً إلى ألمانيا هو بنك بركة (كنت مقيماً في ريف دمشق)، ولم أجد إلا بنك آخن ليقوم بفتح حساب مغلق باسمي حيث أستطيع أن أرسل وديعة الفيزا، ولكن بنك بركة لم يرض أن يقوم بعملية التحويل إلا بعد أن أريته كل الإيميلات والمراسلات التي بيني وبين بنك آخن، وأذكر أنني أريته القبول الجامعي أيضاً، حتى رضي بعد أخذ ورد أن يقوم بعملية التحويل، وما ساعدني أنني قمت بنفسي بفتح الحساب في آخن، عن طريق الإيميل لا أكثر ومن دون دفع قرش واحد، وقمت أيضاً بتحصيل القبول الجامعي عبر منظمة اليوني-أسسيست كما ذكرت أنفاً، حيث تقدمت إلى جامعتين اثنتين بمبلغ 90 يورو لا أكثر، طبعاً مع إرسال أوراقي الأصلية بالبريد السريع إلى عنوان المنظمة، وهي عملية تقوم بها لمرة واحدة في السنة مهما كان عدد الجامعات التي تريد التقديم عليه، ولقد كانت عملية تحصيل القبول الجامعي أسرع بكثير مما ظننت بهذه الطريقة، وأكثر ما أخرني هو البريد "السريع" الذي استغرق أسبوعاً حتى وصل.

بعد أن دفعت 8200 يورو في بنك بركة، وصل منها بعد حسم الأجور للبنكين، البركة وآخن، 8088 يورو، وقام البنك بإرسال الكشف إلي عبر الإيميل (باعتبار تقديمي سيكون عبر بيروت -للسفارات الأخرى كان الأمر سيتطلب البريد السريع)، وهممت بطلب حجز موعد في السفارة الألمانية في بيروت، لأجد أن كل المواعيد مغلقة! طبعاً أنا لم ولن ألجأ لأي مكتب، فهذا ضد مبادئي، فقمت بإرسال إيميل إلى السفارة يتضمن القبول الجامعي، وشهادة اللغة (الآيلتس)، وصورة عن الباسبورت، وكشف الحساب المالي الألماني من بنك آخن، وذلك في 30 كانون الأول من عام 2015، لترد علي السفارة في 20 كانون الثاني 2016، وتخبرني أنهم حجزوا لي موعداً بموجب الإيميل في 31 أيار 2016، وهذه كانت ثاني صدمة، فقبولي الجامعي للفصل الصيفي وفيه تبدأ الجامعة في 1 نيسان 2016، مما يعني أن قبولي الجامعي لم يعد ساري المفعول! تواصلت مع السفارة حيال هذا الأمر ولكن لا رد، فوجدت أن الأمل الوحيد هو بإعادة التقديم للفصل الشتوي الذي يبدأ في 1 تشرين الأول، خاصة وأن أوراقي لا تزال فعالة في هيئة اليوني-أسسيست ويمكنني التقديم مرة ثانية على أي جامعة تتعامل معها من دون إعادة استصدار أوراق وإعادة إرسالها بالبريد من جديد، وهذا أمر جيد جداً.

راسلت الجامعة (واسمها أوتو-فون-غيريكه) في ماغديبورغ، وأخبرتهم بما حصل وبأنني سوف أعيد التقديم لنفس البرنامج، ورغم أن القبول الجامعي لا يمكن تمديده، إلا أن الجامعة كانت كريمة معي وأخبرتني انها سوف تستصدر لي قبولاً جامعياً جديداً من دون الحاجة إلى إعادة التقديم للفصل الشتوي القادم!

في 31 أيار 2016، دخلت لبنان ببطاقتي النقابية، ورغم أن موعدي كان على الواحدة والنصف، إلا أننا تأخرنا فعلاً قبل الدخول، ولكن كانت المقابلة سلسة أكثر من المتوقع، خاصة أنني قمت بترتيب نسخ أوراقي الثلاثة بشكل منهجي موحد، وأن رسالة الدوافع الخاصة بي تشمل كل ما كانت تسألني عنه الموظفة وأكثر (مما شرحته فيه هو لماذا اخترت ألمانيا، ولماذا هذه الجامعة، ولماذا هذا الاختصاص، ولماذا أجد نفسي أهلاً للنجاح فيه، وماذا أنوي فعله بعد التخرج)، كما أنني كنت قد استصدرت تحسباً إخراج قيد ولا حكم عليه مترجمان إلى الألمانية ولما رأت ذلك لم تعد تسألني شيئاً بل اكتفت برسالة الدوافع، ومن الأمور التي شددت عليها هي اللغة، ولكن كانت شهادة الآيلتس كافية تماماً. لعل ما فاجأني في المقابلة أنها أعطتني نموذجاً للباحثين باعتباري سوف أدرس بدرجة الماجستير، وفيه أسئلة مثل: ما هو بحثك الذي تود تطبيقه في ألمانيا؟ ما فوائده العملية؟ من هو مشرفك على البحث؟ هل قمت بنشر أوراق علمية من قبل؟ ما هو مسار رحلتك إلى ألمانيا؟ وغيرها من الأمور التي استفدت فيها من السيرة الذاتية الخاصة بي، لذا نصيحة أن تبقوا معكم نسخة عن سيرتكم الذاتية.

عدت إلى حياتي العادية وعملي المعتاد، ومر شهران ونصف دون رد من السفارة، فتواصلت معهم عبر الإيميل فوراً، ليردوا علي أنهم يحاولون الاتصال بي ولكن الخط لم يتصل، فقاموا بالاتصال بي على الهاتف الأرضي، وأخبروا أهلي (لأني كنت في العمل) أن بلدية ماغديبرغ قبلت طلبي، والآن الموضوع في الخارجية. هنا علمت أن الفيزا على الطريق وهناك القليل من الانتظار، خاصة وأن دراسات الماجستير تتطلب وقتاً أطول عادة، فهيأت نفسي لأترك العمل وأخبرت مديري. وفي 8 أيلول 2016، أي بعد 100 يوم بالضبط من التقدم بطلب الفيزا، هاتفتني السفارة وأخبرتني أن الفيزا جاهزة، وأنه علي ان أقوم بتأمين نفسي طبياً لستة أشهر، وأن أياً كان يستطيع أن يستلم الفيزا ما دام معه الباسبورت والتأمين الطبي ووصل دفع أجور مقابلة الفيزا (60 يورو التي يتم دفعهم أثناء المقابلة)، وتكلمت مع أكثر من سائق بخصوص هذا الموضوع، ليقول لي أحدهم بأنه غير مهتم باعتبار زمن الانتظار في السفارة طويل، وآخر بأنه لا يضمن سفره الثلاثاء القادم بل الخميس (وكان علي أن أستلم الفيزا إما الثلاثاء أو الخميس)، ويريد 30 دولار أجرة يده، و95 دولار تأمين طبي ل 6 أشهر، فقررت أن أقوم بنفسي باستلام الفيزا يوم الثلاثاء تلافياً لأي طارئ، وسافرت إلى بيروت وقمت بعمل تأمين طبي لستة أشهر ب 85 دولار، ووقفت على الدور، ليفاجئني أحدهم بخبر سيء!

لقد قامت الحكومة الألمانية بعد تقديمي للفيزا برفع قيمة قرض بافوغ للطلاب، وعليه تم رفع المبلغ المطلوب دفعه كوديعة مغلقة من 7950 يورو تقريباً إلى ما يقارب 8600 يورو على ما أظن، مما يعني أن الوديعة التي قمت بدفعها منذ شهر 11 سنة 2015 لم تعد كافية بمعايير شهر 9 من سنة 2016، وأخبرني أحد السوريين المنتظرين أنهم رفضوا إعطاءه الفيزا قبل أن يقوم بتحويل 500 يورو إضافية ويأتي لهم بالإيصال، وهنا كان هذا خبراً محبطاً لي، لأن التحويل صعب وهناك زمن ضائع إلى أن يصل الإيصال... ولكني سألت الموظف الذي استلم مني الباسبورت فقال لي أن أتابع معاملتي بما أنهم لم يخبروني شيئاً على الهاتف، وفعلاً عدت على الساعة الثالثة واستملت فيزا لستة أشهر دون مشاكل وعدت إلى ريف دمشق في نفس اليوم. كملحوظة: السوري الذي طالبوه بإيصال ال 500 يورو الإضافية أكد لي أنهم لم يقوموا بإخباره بشيء على الهاتف أيضاً، ولكن نشكر الرب أن أموري لم تتعقد أكثر من ذلك.

واجهتني أخيراً مشكلة واحدة وهي أن حزمة القبول الجامعي التي تقوم الجامعة بإرسالها بريدياً إليك عند قبولك في البرنامج الدراسي (تتضمن خريطة للجامعة + القبول الجامعي الأصلي + تعليمات استكمال التسجيل) لم تصلني إلى العنوان البريدي الذي أعلمتهم به، رغم أنه عنوان دقيق وصندوق بريدي مرقّم، فتواصلت معهم لأعلمهم بهذه المشكلة وبأنني في تلك الحال لن أستطيع أن أحضر القبول الجامعي الأصلي معي، ليردوا علي بعد 4 أيام بأنه لا مشكلة في ذلك باعتبار أن النسخة المرسلة بالبريد الإلكتروني تحمل المعلومات الكافية لاستكمال التسجيل الجامعي، والآن قمت بحجز طيران مبدئي وبإذن الرب خلال أسبوع سوف أكون في ألمانيا.

أتمنى أن تكون تجربتي مفيدة لكم لتتلافوا التفاصيل التي سببت لي بعض المتاعب، أعتذر على الإطالة والله ولي التوفيق.

مسيرتي انطلاقأ من اللغة حتى تحصيل قبول جامعي في الطب بمعدل 1.3

13.09.2016 | تحصيل القبول الجامعي | المشاهدات 6721

السنة : 2016
المكان : داخل ألمانيا
المدينة : Magdeburg

اليوم حابب شارك معكم تجربتي منذ قدومي إلى ألمانيا للحظة حصولي على قبول جامعي في اختصاص الطب البشري انطلاقاً من اللغة لغاية قبولي وتسجيلي بالجامعة وكيفية تحسين الفرص للحصول على قبول طب بمعدل 1,3

أنا قدمت إلى ألمانيا عن طريق فيزا دراسية في تاريخ 09 ابريل 2015 و كانت دورة اللغة قد بدأت لكن لم يبدأ عقد الغرفة بالسكن الطلابي للجامعة في مدينة كلاوستال بعد ولكن استطعت روح لعندن وفهمهن القصة و قبلوا أنو يخلوني ألتحق بالدورة بعد أسبوعين من بدايتها علماً أنو أنا كنت عامل الدورة نفسها بسوريا وهيك ما عانيت كتير رغم أنو الدورة كانت كتير مكثفة بحيث أنوا أنهينا الدورتين A1+A2 في عضون ثلاث أشهر وبعدها رجعت الدورة طبيعية بحيث كل مستوى بشكل عام يستمر لمدة شهرين
لحد دورة ال B1 كان كل شيء تمام من جميع النواحي بس بلشت حاول ركز عالسماعي عن طريق مشاهدة برامج أطفال او الأخبار مثل العادة و بدءً من دورة B2 بدأت بقراءة المقالات من المواقع أو الجرائد منشان قسم القراءة
: وأهم المواقع لقراءة المقالات
[ انظر الرابط المرفق ]
[ انظر الرابط المرفق ]
[ انظر الرابط المرفق ]
[ انظر الرابط المرفق ]
و من حيث السماعي كنت حاول اسمع راديو لأن الكلام كتير سريع مقارنة بالتلفزيون وأهم موقع لهي الشغلة برأيي هو
لأن بهاد الموقع يستطيع الشخص حفظ المقالات وتسمعها بعدين بكل سهولة وتقرأ الخبر قراء يعني تسمع وتقرأ على نفس الموقع وهي ميزة عن غير مواقع يلي أنا لقيتها بهاد الموقع
و بشكل طبيعي بدأت بحل بعض النماذج دي اس ها وهيك لكورس ال C1.1
بكورس ال سي1.1 لازم كنت بشكل طبيعي أدرس أكتر لأن هون التحضير بشكل رئيسي لل دي اس ها و كنت مخطط
بالأصل ما ساوي كورس ال سي 1.2 والحمد لله تخطيت الكورس بدون مشاكل وكان هاد بشهر نوفمبر ومتل ما معروف أنو بشهر 11 و 12 ما في غير كم فحص وأغلبها للطلاب يلي معها قبول أو اون لاين يلي صعب تسجل عليها إلى بالحظ لأن
الموقع صعب يفتح وبدك تكون سريع لتقدر تسجل بسرعة المهم فهيك خسرت تقريبا شهرين ونص لقدرت قدمت أول فحص بمدينة Bonn ب Hochschule Bonn Rhein Sieg
والحمد لله نجحت من أول مرة بنتيجة دي اس ها 3
طبعاً ساعدني الفترة يلي توقفت فيها أنو ركزت معلوماتي أكتر بحيث فتت عالفحص وضامن أني ناجح بس كنت بدي جيب ال 3 وجبتها يعني شغلة مو كتير صعبة بس بدها تركيز أكتر الشوي وتحضير منيح بحيث ما تخسر العلامات السهلة
بهالفترة درست كتير كتب تحضيري وحليت نماذج من كتير جامعات وكتب وأهم الشي دائماً التطبيق عالنماذج لأن هو الفحص يلي لازم الواحد ينجح فيه
: الكتب يلي استخدمتها كانت

Mit Erfolg zur
[ انظر الرابط المرفق ]
[ انظر الرابط المرفق ]
Fit für die DSH
[ انظر الرابط المرفق ]

DSH 20/20 [ انظر الرابط المرفق ]
Für die Grammatik : Ubungsgeammatik für die Mittelstufe [ انظر الرابط المرفق ]

Textproduktion :
و بالنسبة لكتابة الموضوع كان أهم الشي استخدام الجمل الصعبة واستخدام وصلات الكلمات و الأسماء و كالعادة الانتباه عال قواعد و أدوات التعريف وتحاول تجمع أكثر قدر من العلامات عن طريقو

وبعد القسم الكتابي يأتي القسم الشفهي كالعادة ويلي أنا كنت خائف منو لأن بالجامعة يلي كنت فيها ما ركزنا على هاد القسم بحكم أنو طلاب المعهد معفيين من هاد القسم ولكن كان القسم كتير سهل على عكس ما توقعت و كانوا الأساتذة متعاونين
أنا اجاني نص من جريدة ولازم أحكي عنه باختصار وبعدها سألوني عن النص منشان يشوفوا كيف الطالب فهم النص وطبعاً لازم تحور بالكلام وتستخدم تركيبات و هالقصص يلي بيحكوا عنها بكل كتاب تحضير
المهم هيك من كون خلصنا من الشرط الأساسي وهو اللغة وهلق منجي للقبول الجامعي

من ناحية القبول الجامعي كانت فرصتي كتير ضئيلة وخصوصاً أنو معدلي بالثانوية 1,3 فقط ولهيك حاولت متل أغلب الطلاب أرفع فرصي ف راسلت مشفى بدورتموند لأن كنت مخطط أنتقل لهنيك منشان ساوي دورة تمريض Krankenpflegepraktikum
وبنفس الوقت سجلت لفحص ال تست اس لأن كنت شايف فيه الفرصة الأكبر لأقدر حصل على قبول حسب تجارب اكتر الأشخاص بالمجموعة وخصوصا يلي معدلاتهن أقل من 1,1
المهم حضرت للفحص عن طريق النموذج تبع الفحص يلي موجود عالموقع واشتريت الكتاب تبع القسم التخصصي من شان يكون عندي نظرة عالموضوع وغير شغلات اتدربت عليها من مواقع الذكاء و بالإنترنت بس تأخرت شةي لحضرت للفحص أو بالأحرى كنت مشغول بقصة النقل وتدوير على بيت
قدمت الفحص بتاريخ 23 أبريل وطلعت النتيجة بشهر 5 المهم كانت النتيجة لا بأس فيها يعني مو كتير جيدة بس قدرت عدل وضعي شوي بنتيجة 107 (77%) بالقسم الأول و 111 (86%) بالقسم التخصصي
وبعدها قدمت تقريباً بكل الجامعات سواء مباشر أو عن طريق ال أوني أسست منشان زيد فرصي مع أني كنت مدرك تماماً أنو فرصي بس تقريبا ب 4 ل 5 جامعات وهي يلي بتأخذ اللغة (دي اس ها 3) و التست اس بعين الاعتبار
وساويت دورة التمريض منشان في حال أنو حصلت على قبول بكون من جهة وفرت عحالي وقت ومن جهة استفدت من الوقت يلي ممكن يضيع بتحسين لغتي
بالأخير طبعا متل ما كلنا نعلم أنو الوضع دائماً عم يصير أصعب ومعقد أكثر والجامعات عم تغير دائماً بطريقة اختيار الطلاب فاضطررت للانتظار لتاريخ 31 أغسطس لاستطعت احصل على اول قبول من جامعة Magdeburg im Nachrückverfahren والحمد لله
وكان لازم خلال يومين اقبل المقعد و بعد ست أيام وصلني قبول أخر من جامعة Ulm لاكني رفضته لأني كنت مسجل ب Magdeburg وقدرت لاقي سكن والكل بيعرف حالياً أنو تحصيل السكن بأغلب المدن صاير صعب لهيك قررت أبقى ب Magdeburg

أخر الشي حابب أعطي نصيحة أخوية لكل شخص عم يطمح يوصل لهدفه أنو هون بتقدر توصل لكلشي بس المهم تشتغل و تتعب عحالك

تجربتي في مقابلة قبول الطب في جامعة Dresden

11.09.2016 | تحصيل القبول الجامعي | المشاهدات 1708

السنة : 2016
المكان : داخل ألمانيا
المدينة : Dresden

وصلني قبول طب بشري من ال TU Dresden .
تاريخ المقابلة كان 07.09 الساعة 10:50 .
الأسئلة كانت كالتالي:
- قديش صرلك بألمانيا؟
صرلي حوالي ال 8 شهور... جيت ب 01.01 على دورتموند وبلشت معهد اللغة بعد 10 ايام، وقدمت دي اس ها بالشهر ال خامس ب FH Aachen .
- تعلمت شي الماني بمعهد لغة بسوريا قبل ما جيب؟
لأ. تعلمت لحالي بالبيت شوي وهو مارست اللغة الالمانية وسجلت معهد لاول مرة.
- انت عملت براكتيكوم 3 شهور. شو تعلمت فيو؟
شغلي كان مع الممرضات. اول ما دخلت على المشفى كان طل شي معقد وصعب بالنسبة لالي، شلون الواحد بيساعد المريض بالحمام وشلون بيعملو Umlagern وهيك...مع الوقت تعلمت كل شي وصرت قدران انو اعتني بمريض بعمر ال90 بدون اي مشاكل. بعض الدكاترة كانو يشرحولي كم شغلة كل فترة وفترة، وكنت روح مع الدكتور لما كان يدخل ال Wiego
- هلق اجا دور الأسئلة العلمية. تسحاب تنتين لا على التعيين.
سحبت وطلعلي سؤالين الاول عن Blutgruppen, Vererbung von Blutgruppeb und was soll beachtet werden beim Blutspenden.
التاني : Energieerhaltung anhand eines Beispiels.
جاوبتون بما استطيع
- شو هواياتك؟
ما بحب الفوتبول والباسكت بول. بحب السباحة ولعب الشطرنج واليوغا.. وبحب اقرأ لأغاثا كريستي.
منتشكرك كتير، auf Wiedersehen :)

اسمي مجد، ساكن بدورتموند وعمري 19، صرلي هون 8 شهور وخلصت الدي اس ها من كذا شهر، وعملت براكتيكوم بمشفى ب West-Dortmund
Abi : 1.1
TestAS
DSH 2

تجربتي مع قبول الطب في المانيا

11.09.2016 | تحصيل القبول الجامعي | المشاهدات 2342

السنة : 2016
المكان : داخل ألمانيا
المدينة : Marburg

وصلت إلى المانيا قبل 22 شهر تقريبا بدأت بتعلم اللغة من A1 وحتى الشهر 3 من هذه السنة حصلت على ال DSH 3 بعد الوصول للمستوى C1 و Dsh Vorbereitung
مجموع البكلوريا السورية العلمي 99,14% اي مايعادل 1.0 بالنظام الالماني
بعد انتهائي من فحص ال DSH سجلت بكورسين اضافيات للغة على مدة شهرين الأول C2 الكورس ما كملته بس طلعت ورقة Bescheinigung منه مشان استخدمها بمراسلة الجامعات و الكورس التاني كان اسمه " Kommunikation für Ärzte" هاد الكورس مخصص للاطباء الاجانب في المانيا خلصت الكورس واخدت شهادة فيه و استخدمتها بمراسلة الجامعات كمان.
خلال هالكورسين قدمت على المستشفيات بهنوفر مشان أعمل "Pflegepraktikum" هاد البراكتيكوم بساعد بتحصيل القبول و هو المفروض يعمله كل طالب طب أثناء الدراسة بمدة 3 أشهر مجتمعة او منفصلة بأول سنتين بس ممكن ينعمل قبل، وأثناء البراكتيكوم أخدت ورقة من مستشفى ال MHH مشان استخدمها بالقبول.
قدمت عبر ال Uni assist بس, من دون ماقدم على الجامعات الغير تابعة لل Uni assist بشهادتي البكلوريا المترجمة المصدقة من Bürgeramt و شهادة اللغة ايضا المصدقة و استمارة الأوني أسسيست من الموقع بالأضافة لكل الوراق يلي حصلتها من الكورسات و سيرة ذاتية و رسالة تحفيز( نفسها لكل الجامعات بس غيرت الأسماء و العناوين)
و استنيت الجواب.
حصلت بالنهاية على 3 قبولات من ال MHH بهنوفر و من Marburg و من Jena و باقي الجامعات ال 10 رفضوني او ماوصلني شي لسا منهن واتخذت قراري لماربورغ.
ملاحظة: ما قدمت TestAs لأني فكرت مجموعي البكلوريا و اللغة و باقي الكورسات كافي بس الصراحة هاد الفحص ممكن يزيد فرص القبول عند كتير جامعات ويمكن كنت انقبلت من جامعات اكتر.
تعديل: لازم اذكر اني درست حوالي 3 فصول طب بجامعة دمشق بسوريا و اخدت كشف علامات معي بس ماقدمت فيه عالجامعات و ماذكرت ابدا اني دارس طب اثناء التقديم لأني خفت ينجمع مجموع المواد مع اليكلوريا وتنزل العلامة او هيك شي، بالنسبة لتعديل المواد ممكن يتم تعديل مواد خفيفة متل الفيزياء و البيلوجيا بس هي المواد رح اتضر قدمها على الحالتين بفحص ال Physikum بجامعة ماربورغ و بالألماني فبفضل ادرسها من الأول بالألماني و اضمنها.
بالتوفيق للجميع.

نصائحي وتجربتي في مقابلة قبول الطب في جامعة Dresden

03.06.2016 | تحصيل القبول الجامعي | المشاهدات 3145

السنة : 2015
المكان : داخل ألمانيا
المدينة : Dresden

المقابلة مقسومة إلى قسمين :
١- قسم عام
٢- قسم علمي
مدة المقابلة تتراوح بين ١٠ - ١٥ دقيقة
عدد المقابلين : ٣ اشخاص (دكتورين بالاضافة الى فراو ساتلو-مسؤولة الطلبة الاجانب في الكلية- )، مقابلتي كانت اخر مقابلة، فكان في دكتور وقتها رايح :)
القسم الاول : المسؤولة عنه فراو ساتلو
الاسئلة:
١- ليش حابب تدرس طب ؟
نصيحة مني: حتى تتجنب ما تحط حالك بموقف محرج وتقول لها لانه حابب ساعد الناس المرضى والذي منه، ممكن تقول لك طيب اللي عم يدرس تمريض عم يساعد ، اللي عم يساوي مخابر عم يساعد .. مو بس الطبيب هو اللي يساعد المرضى.
يعني الجواب التقليدي اللي بمخ كل واحد لازم تغيره او على الاقل تبدع بكلامك لتقتنع فيك :)
٢- ليش جامعة دريسدن ؟ او ليش مدينة دريسدن ؟
بحبش عن المدينة، عن الجامعة
مهم جدا انك تعرف ايش اسم كلية الطب ، وتعرف تاريخ الجامعة :)
لجماعة الاسنان: كيف رح تتحمل تكاليف القطع المتعلقة بطب الاسنان
اسئلة ممكن تنطرح:
٣- قدمت على كليات ثانية ؟ وايش النتيجة ؟
ما انصح بالكذب ^_^
٤- اش رح تعمل في حال ما طلعلك مقعد ،؟
الاسئلة العلمية:
الاسئلة العلمية في منهم يتكررون كل سنة :)
١- كيف يتشكل قوس قزح
٢- تشكل صورة الاشعة
٣- اسئلة عن التسارع او العجلة Beschleunigung
٤- سؤال انطرح السنة الماضية: ايش يصير في حال تصادم جسمين متحركين او احدهما متحرك
الاسئلة اللي تم طرحها علي :
١- كيف تتشكل الخلية العصبية؟
٢- كيف تنتقل الاشارات بين الخلايا العصبية ؟
٣- العامل المساعد في عملية الانتقال بين الخلايا العصبية
٤- حطو قدامي الجدول الكيميائي، وقالوا لي اشرح كل شي قدامك
٥- سؤال عن الغازات النبيلة (المجموعة السابعة)
٦- التفاعلات الكيميائية : الايونية - التساهمية - الثالثة ناسي اسمها 😁
هي اسئلتي، اسئلة الخلاية العصبية يعتبر متقدم بحكم شافو اني داس زمان
اما التفاعلات فيعتبر من الاسئلة المتكررة بالمقابلة
٧- صديق لي بالسمسترات الاعلى : اجاه سؤال عن دورة الليمون : دورة حمض الستريك
لا حدا يخاف من المقابلة. جدا رواق وهادية .. ومو مطلوب منك انك تعرف كل المعلومات .. ونفس الشي هم يذكروك بهالشي
انه نحن ما نتوقع منك تعرف تجاوب عليهم
هم بدهم يشوفو بشكل اساسي : لغتك .. لغتك .. لغتك
وشخصيتك ايضا .. يحبو يشوفك انسان فهمان وعرفان تتصرف مو ضايع وملخبط :)
** اتذكر شب اجا وكان مكتوب على باب القاعة اللي تنعمل فيه المقابلات انو لا حدا يدق الباب نحن رح ننادي على اسمك .. الشب دق وفات كمان فطلعوه بسرعة !
المهم بعد المقابلة الشب قال قدم منيح وكل الامور تمام .. بس بالاخير تم رفضه واتوقع انه تم رفضه لهسبب بالذات!!!!
فاذا شفت عالباب مكتوب لك لا تدق عليه فلا تقول بنفسك بدي اتاكد انا بمكان صح ولا لا وتدق عليه :)
نصايحي :
- جهزوا معلومات عامة عن الكلية ( بحكم نحن مفصولين بشكل تام عن الجامعة )
- معلومات عن دريسدن
- الاناقة بس من دون مبالغة .. يعني لا تيجي بطقم وببدلة عرس :)
- الدقة بالموعد.. لا تتاخر .. ممكن تفوت ع مقابلتك متاخر بس لا تتاخر :)
- حاول انت اللي تسيطر على المقابلة وتمشيها بطريقتك ولا تخليها سين جيم ناشفة
-حاول لا تخلي المقابلة ناشفة وجافة.. طريها بطريقتك ^_^
- تكلم بوضوح وحاول تتكلم قدر المستطاع من دون اخطاء وخاصة بال nebensätze
- لا تنسى الـ Blickkontakt او eye contact، وحركات الجسم وتفاعلك بالجو .. يعني لا تحسسهم انك بارد او عيونك في مكان ثاني او كانك عم تسمع :)
موفقين يارب .. ونشوفكم معنا ان شاء الله بعد شهر وشوي ^_^

الفحص الوطني الأول بدراسة الطب (Physikum) في ألمانيا

02.06.2016 | السنة التحضيرية Studienkolleg | المشاهدات 10476

السنة : ٢٠١٦
المكان : داخل ألمانيا
المدينة : Dresden

حاولت كون صادق بكلشي وانو حطكون بالجو العام للفحص ودراسة الطب بشكل عام.
البوست مفهوم 100% لأي شخص بلش دراسة طب بالمانيا
ومفهوم بنسبة 80% للأشخاص يلي لسا مابلشت , لانو في بعض الشغلات صعب الواحد يعرفا قبل ما يبلش دراسة.

الفحص الوطني الأول بدراسة الطب (Physikum)
بهل المقالة رح احكي بأدق التفاصيل عن فحص الفيزيكوم وكل مايتعلق فيه بشكل خاص وبدراسة الطب بشكل عام
اول شي انا اسمي فارس حسين بدرس طب بجامعة دريزدن.
مبارحة خلصت فحصي الفيزيكوم :D
الموضوع رح يترتب بهل الطريقة :
1- مقدمة
2- نظام تعليم الطب في المانيا
3- شو هو فحص الفيزيكوم
4- سير الفحص والفحص الشفهي
5- التحضير للفحص
6- نصائح شخصية للتحضير للفحص ودراسة الطب بشكل عام
7- تجربتي الشخصية
8- تجارب متعددة
9- خاتمة
نبلش :
1- المقدمة :
---------------
دراسة الطب بالمانيا تعتبر من اصعب الفروعة واكترها تطلباً للدراسة والجهد والتعب والسهر.
إذا كنت عم تقرا هل البوست وانت لسا مابلشت طب , فـ نصيحة ماتدخل طب غير تكون مقتنع مليون بالمية بالطب, وتكون بتحب الطب , وعرفان انو هاد الطريق صعب صعب صعب.
دراسة الطب وخصوصي اول سنتين , رح تدمر حياتك كلياً , رح تنهيك ومارح تتركلك أي فرصة تستمتع بحياتك. (وجب التنبيه يعني)
انا شخصياً ندمان انو دخلت طب, ولو بيرجع الزمن لورا بدخل فرع ثاني بحبو ويكون خفيف نظيف يخليني ادرس واستمتع بحياتي :)
2- نظام الطب في المانيا :
--------------------------------------
بالمانيا في نظامين للطب , النظام الجديد والنظام القديم
النظام القديم هو يلي فيو فيزيكوم وهو رح يكون محور موضوعنا
دراسة الطب هي عباراة عن 6 سنين مقسومة إلى :
- المرحلة القبل سريرية (Vorklinik) ومدتها سنتين , تنتهي بفحص الفيزيكوم يلي رح نحكي عليه
- المرحلة السريرية (Klinik) ومدتها 4 سنوات (3 سنوات دراسة + 1 سنة عملي) وتنتهي بالحفص الوطني الأخير
المرحلة قبل السريرية يلي هي قبل الفيزيكوم, بيتعلم فيها الواحد مواد مثل التشريح والكيمياء الحيوية والفيزيولجي والهيتسولوجي وهل القصص.
بتنتهي بفحص الفيزيكوم, بهل الفحص بتقدم فيه كلشي درستو خلال هل السنتين !
نصيحة اخوية :
إذا انت مابتحسن تدرس كل يوم (كل يوم هااا) 5 ساعات على الأقل (على الأقل ها) فلا تقرب عل الطب ابداً.
3- الفيزيكوم :
----------------
فحص الفيزيكوم مثل ما قلنا فوق هو مرحلة العبور بين المرحلة قبل السريرية والمرحلة السريرية,
بفحص الفيزيكوم بيتطلب منك أنك تكون تعرف كلشي درستو خلال السنتين الماضيات.
لازم تكون جاهز تنتقل من المرحلة قبل السريرية , ومرحلة أنك تتعلم الجسم كـ جسم سليم خالي من الأمراض, إلى مرحلة تقدر تتعامل مع الأمراض ومع المرضى وهيك.
شروط التأهل لفحص الفيزيكوم :
1- أنك تكون ناجح بكل المواد يلي قدمتون بالسنتين , يعني بالألماني أنك تكون Scheinfrei
المواد يلي بتدرسون بأول سنتين هنن :
1.Physik für Mediziner
2.Chemie für Mediziner
3.Biologie für Mediziner
4.Physiologie
5.Biochemie/Molekularbiologie
6.makroskopische Anatomie
7.mikroskopische Anatomie
8.medizinische Psychologie und medizinische Soziologie
9.Praktikum zur Einführung in die klinische Medizin
10.Berufsfelderkundung
11.Terminologie
12. ein Wahlfach
رقم 9 هي مدخل للمرحلة السريرية, مادة صغيرة بتتعلمو فيها كيف تقيسو ضغط وكيف تسمعو صوت القلب وهل الحركات
رقم 10 هي مادة صغيرة عباراة عن كتابة تقرير عن مستوصف او مشفى او شي شغلة
رقم 11 هي مصطلحات طبية
رقم 12 هي مادة اختيارية إجبارية, بيختارها الطالب من بين عدة مواد وبقدمها, انا شخصاً اخترت اللغة الإنكليزية.
هدول الفحوصة لازم تكون مخلصون كلون ونجحان فيون قبل فحص الفيزيكوم, وهون بتكمن إحدى صعوبات فحص الفيزيكوم والضغط يلي فيو.
انت لا سمح الله إذا رسبت بأي مادة من المواد وخصوصي مواد الفصل الرابع ( قبل الفيزيكوم مباشرة) مابعود عندك وقت تتدارك الموضوع وبصير لازم تأجل الفيزيكوم ست شهور بس لحتى تنجح المواد وتقدم الفحص بعدين.
2- أنك تكون عامل Pflegepraktikum لمدة 3 شهور بمستشفى.
3- أنك تكون حاصل على دورة إسعافات أولية مدتها لا تقل عن سنتين
4- شهادة بكلوريا مترجمة مصدقة الماني
5- شغلة كتير مهمة بالنسبة إلنا السوريين وهي تعديل شهادتك البكلوريا تبع اليوني اسيست, هادا لازم تحتفظ فيو انت , انا تعذب كتير للقيتو (هي الورقة يلي مكتوب عليها انو شهادة البكلوريا السورية تبعك تعادل مثلاً 1.5 بالنظام الألماني)
6- إخراج قيد
منجي على الفحص
فحص الفيزيكوم بيتألف من قسمين :
1- القسم الكتابي: عباراة عن 320 سؤال اختر إجابة صحيحة , مقسمة على يومين
كل يوم 160 سؤال.
لازم تجاوب على 192 سؤال صح (نسبة 60%) لحتى تنجح بالفحص
2- القسم الشفهي: وهي عباراة عن مقابلة شفهية مع دكاترة بمواد التشريح والكيميا الحيوية والفيزيولجي.
تقسيم الإسئلة بالقسم الكتابي :
20% Biochemie
20% Anatomie
20% Physiologie
20% Psychologie
5% Histologie
5% Chemie
5% Biologie
5% Physik
باليوم الأول بتقدم مواد الفيزيولوجي والبيوشيمي والفيزيا والكيميا
باليوم الثاني بتقدم مواد التشريح والهيستولوجي والبيولوجي وعلم النفس.
-الفحص يوجد مرتين بالسنة بآخر شهر آب , وآخر شهر آذار.
- إذا رسبت بالشفهي ونجخت بالكتابي او العكس, رح تعيد بس الفحص يلي رسبت فيو , ومارح تكون مضطر تعيد كلشي.
4- سير الفحص والفحص الشفهي :
----------------------------------
الفحص الكتابي :
أول يوم بكون يوم الثلاثاء , ببلش الفحص الساعة 9 وبينتهي الساعة 13
160 سؤال مقسمة كالتالي :
60 سؤال كيميا حيوية (20%)
60 سؤال فيزيولجيا (20%)
20 سؤال كيميا (5%)
و20 سؤال فيزيا (5%)
ثاني يوم بكون الأربعا, كمان الفحص 4 ساعات من الـ 9 لل1
160 سؤال مقسمة :
60 سؤال أناتومي (20%)
60 سؤال علم نفس (20%)
20 سؤال بيولجي (5%)
20 سؤال هسيتولوجي (5%)
وانت بعد الفحص بتاخود دفترة الإسئلة معك عل البيت وبتسلم بس ورقة الإجابة.
حلاوة فحص الفيزيكوم أنو الدكاترة بنزلو الحلول بعد الفحص مباشرة , وبهل الحالة فيك تتأكد من أجوبتك وتاخود نتيجة تقريبة.
غالباً النتيجة بتكون صحيحة , او ممكن يكون في زيادة او نقصان بمقدار 2% لأ اكتر.
اما فحص الشفهي , هادا انا بسميه فحص الحظوظ , هون الحظ كتير بيلعب دور
فحص الشفهي بكون بعد الكتابي , ابتداء من بعد 5 أيام إلى بعد 45 يوم
يلي حظو بشع , بيطلعلو فحص الشفهي بعد 5 ايام من فحص الكتابي وهيك مابكون معو وقت لحتى يحضر
يلي حظو بشع كمان , بيطلعلو فحص الشفهي آخر آخر الشي , يعين بعد شهر ونص من الكتابي , وهيك بكون الزلمة طق من الملل وماعاد إلو خلق يدرس ابداً وبتكون راحت العطلة
يلي حظو حلو هو يلي بيطلعلو فحص الشفهي بعد بإسبوعين من فحص الكتابي , هيك بتكون معك وقت منيح لحتى تحضر برياحة.
فحص الشفهي هو عباراة عن 3 مواد + هيستولوجي
الفحص بطول كمان شي 4 ساعات
وبتعمل الفحص مع 3 طلاب تانيين
اول شي بتاخود نسيجين عل المجهز لازم تعرفون وتسميون وترسمون (Präparate)
بعدين ببلش الفحص
اول شي اناتومي عل الجثة , بيسألك شوية إسئلة
بعدين فيزيلوجي وبيوشيمي. بصير بينك وبين الدكتور محادثة صغيرة بيسألك اسئلة بتجاوب وهكذا
كل مادة من المواد فحصها ربع ساعة ,
يعني بالمجموع فحصك الشفهي هو عباراة عن ساعة
بس بما أنو انتو 4 طلاب عم تقدمو سوا , فبدك تستنى غيرك دائماً ولذلك بطول الفحص 4 ساعات.
5- التحضير للفحص :
-----------------------
يمكن هي أهم فقرة بالموضوع كلو , وهي كيفية التحضير لفحص الفيزيكوم !
أول ما تبلشو دراسة طب , رح يكون الفيزيكوم مثل كابوس على قلوبكون , ورح تضلو تسمعو فيه وتخافو ,وإذا طالب الطب بدو يتخيل الشيطان ,, رح يتخيلو على هيأة فحص فيزيكوم
بحب طمنكون انو فحص الفيزيكوم مانو كل هل الشي صعب مثل ما الناس بتصورو او مثل ما طلاب السنوات الأعلى بصورولكون ياه.
مثل ما حكينا اول شي ,, الشرط الأساسي لإنك تدخل طب أنك تكون قادر تدرس يومياً أقل شي 5 ساعات
هلق منجي لكيفية الدراسة :
أهم شي تعرفو انو الدراسة لفحص الفيزيكوم الكتابي , غير الدراسة لفحص الفيزيكوم الشفهي
فحص الكتابي هو عباراة عن صح أو خطأ , وبالتالي لازم تدرس كتير تفاصيل صغيرة وأرقام لحتى تعرف تجاوب على الإسئلة
بينما فحص الشفهي هو عباراة عن معرفة سطحية بالمواد الثلاثة الكبيرة (تشريح - كيميا حيوية - فيزيولجي) يعني لازم تركز عل المصطلحات , لازم تفهم تماماً وتعرف تربط بين الأمور.
الدراسة هون فيني قسمها انا لـ 3 أقسام :
رح نحكي عن التحضير للفحص الكتابي :
1- دراسة من الكتب
2- التمرن على إسئلة الدورات , بالألماني أنك تعمل Kreuzen
3- الدراسة مع مجموعة , Lerngruppe
4- وضع برنامج
1- الكتب :
الطريقة الأفضل والأحسن والأوفر هي الدراسة من سلسلة من هل السلسلتين من الكتب :
1-Endspurt
2- Medileran
هدول السلسلة من الكتب (بتشوفو صورهم تحت) هنن عباراة عن كتب مكتوبة خصيصاً كرمال الفيزيكوم , ومأخدوين من محتوى الفيزيكوم يلي بتعرضوا الـLandesprüfungsamt
اول سلسلة وهي سلسلتي المفضلة انا , هي سلسلة الإيند شبورت , هنن عباراة عن مجموعة من الكتب يمكن بيطلعلو عشر كتب , كل كتاب شي 80 صفحة , بطريقة سلسلة وحلوة كتير وأحلى شي بهل الكتب أنو اسئلة الفيزيكوم يلي جاية بالدورات الماضية بتكون معلمة بالأصفر , فـ انت وقت عم تدرس من هل الكتب بتكون بنفس الوقت عم تحل أسئلة الدورات السابقة وعم تتدرب عليها وبتعرف تماماً كيف رح يجي السؤال بالفحص.
سهر السلسلة كاملة جديدة تقريباً 185 يورو , بعرف أنها شوي غالية , بس انا اشتريتها وبنصحكون كمان تشتروها لأنو عنجد مفيدة كتير.
أما السلسلة الثانية وهي سلسلة الميدي ليرن ,شخصياً انا ماني من شبيحة الميدي ليرن وبشوفها سلسلة للأطفال وكتير فيها معلومات قليلة مقارنة بالإيند شبورت, ومابنصح فيها بصراحة , بس انا بعرف ناس درسوا منها ونجحوا بالفحص.
في ناس بعرفهم مابحبو يدرسو من هل السلسلتين , لأنو هل السلسلتين المعلومات فيون مدحوشة دحش ومكدسة تكديس , وغالباً بكون مافيون شرح كتير, فـ بتروح هي العالم بتدرس من الأطالس او الكتب الكبيرة , وهادا الشي خطير كتير كتير
إذا كنت شاطر كتير وذكي كتير , ودرست كلشي بالأطالس ,, حلال عليك ممكن تجيب كتير علامة عالية بالفيزيكوم
بس بنفس الوقت ممكن تضيع , لأنو الأطالس كتير فيون معلومات مابيلزموك للفيزيكوم ابداً ابداً , وبالتالي مابتعود بتلحق ابداً وبتصير المعلومات تفوت ببعضا لأنو كمية المعلومات المطلوبة للفيزيكوم هائلة جداً.
انا درست من الإيند شبورت , بس درستون دراسة كتير منيحة (لعنت أبوون يعني) وبالنهاية جبت بالفحص 82% وهي علامة جيدة جداً بالفحص لأنو متوسط العلامات السنة الماضية كان 69%.
فـ الإيند شبورت كافي كافي كافي للنجاح بالفيزيكوم.
منجي هلق لأهم نقطة بالموضوع كلو ,, أهم نقطة على الإطلاق وهون سمحولي فش خلقي واحكي:
اول ما بتدخل عل الجامعة , بيجو الألمان بيشرحولك وين الكلية وين المكتبة ووين الحمامات , وإذا بدك تروح تشتكي وين بتروح , وشو رقم الإسعاف بالكلية ورقم الشرطة ومدري شو !
بس مافي حدا بيجي بقلك شو تدرس , ولا بيعطيك معلومة عليها القيمة.
وطبعاً نفس الشي ينطبق على السوريين مع الأسف ,,, يعني اكيد كلكون بتعرفو الغيرة بين السوريين بالجامعة وتخباية الأمور على بعض وهل المشاكل يلي ماعاد نخلص منها
فـ نصيحة يا شباب :
من السنة الأولى درسوا من الإيند شبورت
من السنة الأولى درسوا من الإيند شبورت
من السنة الأولى درسوا من الإيند شبورت
هي كتبتها 3 مرات لأنو هي أهم شغلة وانا كتير انضربت بصراحة لأنو بالسنة الأولى ما درست من الإيند شبورت,
بالسنة الأولى منكون كلنا ضايعين , ومنقعد مندرس ملخص هاد وتلخيص هاد وكتاب هاد
خلي دراستكون مربوطة دائماً بالإيند شبورت
احياناً دراسة الإيند شبورت لفحص من فحوصة الجامعة مابتكون كافية , مثل فحص الكيميا الحيوية عنا بالجامعة وبالتالي بالإضافة للإيند الشبورت بجي بدرس انا من كتاب ثاني .
بس دائماً وابداً , خلي الإيند شبورت معيار دراستك ,وخليه دائماً رفيقك بالدراسة.
الفقرة يلي بالإيند شبورت مشروحة كتير أو معلم عليها بالأصفر (يعني انو هي اسئلة دورات) هي درسا كتير منيح , والفقرة يلي ماشي عليها الإيند شبورت بسرعة , ما تركز عليها كتير
لأنو بالنهاية الإيند شبورت بدك تدرسون يعني بدك تدرسون
بقى درسون خلال السنتين على مهلك وبرواق , أحسن ما تجي قبل فحص الفيزيكوم بشهرين بتطلع هيك بتلاقي عندك 10 كتب إيند شبورت لازم تخلصون !
هي هي أهم نصيحة بحسن أعطيك ياها كـ طالب مخلص فيزيكوم.
2- التمرن على الدورات بمعنى آخر Kreuzen
الموقع الأفضل والأحسن هو هادا الموقع .examenonline.thieme.de
هادا موقع عاملتو شركة Thieme , وبتحط عليها اسئلة دورات الفيزيكوم من عام 1999 لحد الآن , اكتر من 12 ألف سؤال, وكل سؤال محطوط عليه الحلول والشرح وليش هي الإجابة غلط وليش هي الإجابة صح , وفي فيديويات شرح لكل المواد يعني ببساطة, هادا الموقع هو عباراة عن بحر من المعلومات.
حل الدورات السابقة كتير كتير مهم , وغالباً 25% من إسئلة الفيزيكوم يلي بتجي بالفحص هي بتكون اسئلة دورات, وكمان حتى تتعرف على الإسئلة وكيف بتجي.
الموقع هادا بمصاري , بس غالباً الجامعات (مثل جامعتي) بتعطي دخول مجاني للطلاب.
لا تستقلو ابداً بالـKreuzen لأنو كتير مفيد , ومانو متعب , يعني انا وقت بخلص دراستي هيك الساعة 9 المسا مثلاً , ومابعود بكون إلي خلق انو ادرس كمان
بفتح الموقع وبصير بحل كم سؤال , ومابحس عل الوقت ومابمل , وبكون عم اعمل ريفريش لمعلوماتي.
انا غلطت غلط , وماني رايدكون تغلطو فيه , أنو انا بلشت اعمل Kreuzen وقت بلشت حضر للفيزيكوم , يعني من شي شهرين تقريباً.
انت فيك تبلش تحل إسئلة دورات فيزيكوم وانت بالفصل الأول .
مثلاً عندك بالجامعة فحص اناتوني , وانت عم تدرس اناتومي, فتاح الموقع وحل شوية إسئلة دورات للأناتومي.
- الموقع فيو كم هائل من الإسئلة 12000 سؤال, واكيد مارح تلحق تعملون كلون لذلك بلش دائماً من فحص 2008 وانت ماشي, يعني تقريباً شي 6000 سؤال
- من المهم انك ما تعمل Kreuzen بعد الدراسة مباشرة , لأنو هيك بتكون عم تغش حالك ورح تجيب علامة كتير عالية.
انا درست فقرة اليوم , بعمل Kreuzen لهل الفقرة ثاني يوم المسا.
3- الدراسة مع مجموعة او Lerngruppe
بالنسبة إلنا كأجانب من المهم جداً أنك تلاقي مجموعة تدرس معها , تعملو هيك دائرة وتبلشو تسمعوا لبعضكون وتتبادلو المعلومات, ويفضل يكونو المان
اولاً انت بتستفاد من اللغة , تانياً بتقارن حالك مع رفقاتك وبتشوف كيف ماشي , وتالثاً وأهم شي أنك بتكسر الرتم شوي ومابتمل
لأنو اكبر عدو إلك بالفيزيكوم هو الملل والملل والملل.
انا ابتداء من الفصل الرابع ( يعني من شي 6 شهور تقريباً) مافي يوم درست فيه أقل من 7 ساعات , كانت تمضى أسابيع ما اطلع فيها من البيت غير للجامعة او للمكتبة.
بتوصل بالنهاية قبل الفيزيكوم ,,, بتحس حالك رح تموت , رح تطق من الملل والتعب والإرهاق.
مشان هيك وقت بتدرس مع رفقاتك , بتضحكو بتمزحو بتتبادلو المعلومات بصوت عالي
المعلومات بتركز بذهنك هي اولاً ,وثانياً بتغير شكل شوي.
فـ يفضل دائماً تدرس مع غروب احسن ما تدرس لحالك
4- وضع برنامج :
كتير مهم انك تحط برنامج عل المدى الطويل وتلتزم فيه ,
يعني انا كنت بعرف شو بدي ادرس بعد 50 يوم, واهم شي انك تلتزم بالبرنامج.
مندون برنامج وخطة , صعب كتير يمشي حالك بالفيزيكوم.
في شوية نقاط إضافية حابب احكيها عن الدراسة :
- مادة التشريح لازم بالإضافة للإيند شبورت , تشوف صور من الأطالس, لانو الصور بالإيند شبورت قليلة نوعاً ما.
- الله يخليكون يا شباب لا تكبوا مواد الفيزيا والكيميا والبيولوجي
أغلب السوريين يلي انا بعرفون , مابيدرسوا هي المواد الصغيرة يلي عليها بس 5% من الفحص.
وبقلك ايييه ... كلها 5 % مابدي ياها.
بس هل الشي غلط كبير, لأنو هل الـ 3 مواد مع بعضها بالإضافة للهيستو , عم تكون بمجموع مادة ضخمة مثل البيوشيمي.
انا درستون ومانسيتون ابداً ورفعولي علامتي كتير , حتى اني جبت علامة تامة بالكيميا بالفيزيكوم والفيزيا كان عندي غلط واحد بس.
فـ الله يخليكون لا تطنشو هل المواد وتكبون , لأنو بتروحو علامات كتير.
- مادة علم النفس او الـPsychologie بتعمل 20% من الفيزيكوم , وهي نسبة كتير عالية ومضرة بالنسبة لإلنا نحنا الأجانب, بالمقابل هي مفيدة كتير للألمان وتعتبر هدية .
بالنسبة للأجنبي علم النفس صعب كتير لأنو اللغة صعبة ,
للأسف هل الشي مافينا نغيرو , لذلك حاولو تدرسو هي المادة مع واحد الماني , يشرحلكون ياها بطريقة حلوة وخفيفة , وحلو اكبر قدر ممكن من إسئلة الدورات.
بصراحة هي المادة هي نقطة ضعف الأجنبي بالفيزيكوم.
اما التحضير للفحص الشفهي :
التحضير لهل الفحص بكون بأنك تدرس مع غروب الماني حتى تقوي لغتك مثل ما حكينا فوق, بالإضافة انو كل الطلاب يلي اكبر منك بحطو المواضيع يلي بتنسأل غالباً من البروفسورية
انت طلعلك البروفسور الفلاني , بتفتح على موقع الطلاب وبتشوف شو كاتبين عن هل البروفسور
هدول اسمون Altprotokolle وبتحضرون شوي شوي وبيمشي حالك
انا بصراحة كنت خايف من فحص الشفهي اكتر بكتير من فحص الكتابي, كوني انا اجنبي , وكون حظي بهوي
بس طلع فحص الشفهي كتير سهل مقارنة بالكتابي
بالفحص الشفهي مو مطلوب منك ابداً انك تعرف شغلات بأصغر تفصيل , بس مطلوب منك تحسسوا للدكتور انو انت فهمان المادة وعرفان وين الله حاطك فيها :)
6- نصائح لدراسة الطب بشكل عام :
----------------------------------------
بعد ما حكينا عن طريقة التحضير للفيزيكوم وكيف لازم تدرس , رح احكي شوي عن دراسة الطب بشكل عام
1- انت اول ما تبلش دراسة طب , رح تحس حالك غبي , مابتفهم شي , مانك عرفان وين الله حاطك , رح تكتئب وتبكي وتعصب وتدايق
رح تشوف رفقاتك الألمان كل واحد منون عندو شي 50 كتاب و50 دفتر و100 ملخص وانت يادوبك عم تفهم عل الدكتور شو عم يحكي بالالماني وبالزور عم تعرف تلفظ المصطلحات اللاتينية المعتة.
لا تاكول هم .. هادا كلو طبيعي اول فترة, وإذا ما حسيت هيك اول فترة ف معناها انت عم تعمل شي غلط او في شي مانو مزبوط.
قد ما تعذبتو أول الدراسة , هادا كلو طبيعي , شوي شوي مع الوقت بتتحسنو كتير وبيمشي الحال
2- توقف عن التفكير باللغة العربية.
اول ما بتبلش الدراسة وكون لغتنا مابتكون لسا كتير تمام , منضطر نترجم المصطلحات للعربي لحتى نفهمها.
هادا الشي أول الدراسة مو مشكلة , يعني انا اول فصل كنت انا وغوغل ترانزليت أعز صحاب.
بس بعدين لازم يجي مرحلة , تقول فيها بينك وبين حالك , انو انا خلص , لازم بطل استعمل اللغة العربية ابداً ولازم بلش اقرا بالالماني ادرس بالالماني واتعلم بالالماني
بفترة الإنتقال من العربي للألماني بطريقة التفكير , رح تلاقي صعوبة كتير ورح تشوف انو العربي أسهلك , بس على المدى البعيد الألماني احسن بكتير.
اقرا الماني , فكر الماني , جاوب الماني
احسن مما تقرا الماني , تفكر عربي , ترجع تقلب الفكرة الماني , وبعدين تجاوب الماني :)
3- لاقي شلة المانية تضرب صحبة معها وتتبادل المعلومات معها وتحسن لغتك
4- ابتعد عن السوريين , وماتعمل شلل سورية بالجامعة لأنو هيك لغتك الالمانية رح تتراجع ومارح تحسن تتقدم علمياً.
انا كتير مبسوط مع رفقاتي السوريين بالجامعة , وكتير منحب بعضنا ومنساعد بعضنا , بس كل واحد منا إلو رفقاتو , إلو شلتو , إلو دراستو, هيك أحسن إلك وإلون.
5- رح يجيك بين الفصول عطل طويلة , عطل وانبسط , بس لاتنسى دراستك وحاول دائماً تضل على تواصل مع الدراسة, لأنو وقت الفيزيكوم كتير رح يكون عليك ضغط دراسة, فـ احسن انك تدرس بالعطلة وتخفف عليك الضغط لأنو بالنهاية انت بدك تدرسون غصبن عنك , فدرسون انت ومبسوط ومروق احسن ما تدرسون وانت عم تبكي وتحت الضغط.
6- واهم نصيحة كالعادة :
من السنة الأولى درسوا من الإيند شبورت
من السنة الأولى درسوا من الإيند شبورت
من السنة الأولى درسوا من الإيند شبورت ههههه
7- تجربتي الشخصية :
----------------------
بعد كل هل الحكي رح سمعكون تجربتي الشخصية :
انا دخلت عل الجامعة بعد ما درست 5 شهور لغة بس.
كانت كتير كتير صعبة البداية , ماكنت بعرف شو يعني سيمينار ولا شو يعني براكتيكوم , كانت دريزدن مدينة جديدة مابعرف فيها غير شخص او شخصين.
اول فصل كان كارثي , كانت أسوء أيام حياتي.
بتروح عل المحاضرة بتلاقي الألمان نازلين كتابة ورا الدكتور وانت ماعم تفهم ولا حرف من يلي عم يحكيه.
كانت تجيني كآبة وقت شوف هل الألمان وترتيبون وكتبون وانا مابعرف شي.
اجي ادرس المحاضرة تطول معي 7 ساعات وبالأخير ماتندرس , وإذا اندرست تاني يوم انساها
كيف اول سمستر مضي ونجحت كل الفحوصة ,,, عنجد مابعرف.
بالسمستر التاني تحسن الوضع الشوي وفهمت كيف تمشي الأمور وتحسنت لغتي وكان سمستر جيد نوعاً ما.
بالسمستر التالت والرابع تحسن الوضع كتير , وصارت الدراسة بالالماني اسهل من الدراسة بالعربي وتأقلمت عل الجو وعل المدينة.
بالنسبة للفيزيكوم انا بلشت حضر للفحص ابتداء من السمستر الرابع.
بالسمستر الرابع عنا مادتين وهنن الكيمياء الحيوية والفيزيولجيا وبنفس الوقت بلشت ادرس معها اناتومي من الفصل الأول , لأنو انا كلشي درستو اناتومي اول سنة نسيتو تماماً لأنو ماكنت عم ادرس مزبوط وكنت ضعيف كتير.
خلص الفصل الرابع وكنت مخلص الكيميا الحيوية والفيزيلوجيا وربع الأناتومي
كان بين نهاية الفصل الربع وفحص الفيزيكوم 55 يوم
اغلبها راح على دراسة الاناتومي وعلم النفس , واكيد مالازم الواحد ينسى هي المواد الصغيرة مثل الفيزيا والكيميا.
بالنهاية مشي حال والحمدالله تيسرت الأمور ونجحنا بالفحص
8- تجارب متعددة:
------------------
لاحظت من البوست الماضي انو في كتير ناس بتسأل عن الفيزيكوم وهي بتكون دارسة بسوريا
لذلك رح احكيلكون عن شوية شباب رفقاتي وتجاربهم بالفيزيكوم.
في سوريين كتير درسوا سنتين او ثلاثة بسوريا واجو لالماني عملوا تعديل , وصار مطلوب منون يعملو فحص الفيزيكوم.
مابدي اكذب عليكون .. هل الشي كتير صعب وبدو وقت وجهد
انك تدرس اسماء العضلات كلها بالعربي والعضلة الباسطة المنبسطة المفتوحة والعصب الكعبري الفخدي اليساري المدري شو !
بعدين تجي عل الألماني , هل الشي كتير صعب وكتير رح يتلبك الواحد
عندي صديقي كان دارس 3 سنين طب بالشام , ولحد الآن ما حسن يخلص من الفيزيكوم وعندو حالياً تالت محاولة (إذا رسب رح يتقلع من كل جامعات المانية )
بس للأمانة , الحق عليه مية بالمية لأنو هو ابداً ماعم يبذل جهد
في صديقة ثانية كمان نفس الحالة , بس لحد الآن ما قدمت فيزيكوم , وأجلتو , وانا بشوف هل الشي صحيح
عطوا لحالكون وقت لحتى تتعودوا عل اللغة العلمية وتقلبو تفكيركون للألماني , لأنو هل الشي بياخود وقت
وبالنهاية بعرفين شبين إخوة من حلب (الله يحميون) كمان نفس الحالة
بس ماشالله الشباب دخلوا عل السريع عل الجامعة عملوا الفيزيكوم ومن أول مرة نجحوه وهلق عم يكملو دراسة بلا أي مشكلة .
بالنهاية العملية صعبة وبدها شغل , بس إذا عنجد انت عقلك براسك وحاطط النجاح بين عيونك , مافي حدا بوقفك :)

9- خاتمة :
------------
الله يوفق الجميع يارب وانشالله هيك كلياتنا مننجح بالمانيا ومنتأقلم مع المجتمع ومنشق طريقنا فيو.

تجربتي مع السفارة الألمانية ببيروت

30.05.2016 | السفارة الألمانية | المشاهدات 1402

السنة : 2016
المكان : خارج ألمانيا
المدينة : بيروت

المقابلة كانت بـ 3 شباط 2016, المقابلة عادية و الأسئلة طبيعية ما سألتني الموظفة غير عن اختصاصي و ليش اخترت ألمانيا و اذا عندي معارف بـألمانيا بس ما طلبت أسماء أو عناوين, اختصاصي هندسة عمارة و قبول ماستر, المدينة كاسل فيها معهد اللغة و الجامعة, ما تواصلت مع السفارة أبداً من وقت المقابلة لذلك ما بعرف ايمتى طلع ملفي على ألمانيا, مدة الانتظار 113 يوم ,

اليوم الصبح حاكاني موظف من السفارة و طلب مني جيب تجديد لقبول معهد اللغة و تأمين سفر من مكتب سفريات لبنان ببلش بأسبوعين قبل بدء موعد الدراسة و ابعت الأوراق مع الاستمارة اللي عطوني ياها بعد المقابلة مع جواز السفر من الاثنين للخميس مع أيا حدا حتى استلم الفيزا ان شا الله, بالتوفيق للكل و لكل اللي لسا ناطرين

تجربتي في ألمانيا من اللغة إلى الدراسة الجامعية

29.05.2016 | متنوعة وشاملة | المشاهدات 3214

السنة : 2014
المكان : داخل ألمانيا
المدينة : Berlin

رح احكي عن تجربتي الغريبة نوعا ما يلي تضمنت 4 جامعات حتى الآن .. على امل يكون فيها فائدة ومشان تتعلموا من الأشياء المنيحة اللي عملناها ومن الاخطاء يلي ارتكبناها

بداية انا دارس 3 سنين طب بشري من قبل، أول سنة درستها بجامعة حلب، وبعدها اضطريت للنقل إلى جامعة دمشق بسبب خطورة الطريق -النقل مسموح- رغم اني ما كنت اتخيل اني رح انقل.. درست السنة الثانية بدمشق على نية الإكمال فيها ولكن بعد نهاية السنة طلعت من البلد وما عاد تيسرت الرجعة، فصار لازم نبحث عن مكان آخر فنقلت على كلية طب القاهرة ودرست فيها السنة الثالثة بنجاح، ولقيت الجامعة ممتازة ونويت الإكمال فيها حتى النهاية، ولكن بالعطلة الصيفية طلعت لعند اهلي وصار الانقلاب بالقاهرة ومنعوا دخول السوريين لمصر بهداك الوقت فصرنا نفكر بألمانيا... هون بقا عملت كورس A1

دخلت ألمانيا بتاريخ 03.05.2014 وبدأت بكورس A2 يلي استمر شهرين، الحمد لله كنت متمكن منه منيح وهالشي خلاني اقدر شد بال B1 وأنهيه بشهر واحد.. هي خطوة منيحة ماني نادم عليها.. برنامج Duolingo ساعدني كتير بالمناسبة
بعتت موادي للمعادلة بدوسلدورف وعادلوا -كالعادة للطلاب اللي دون الخامسة- فصلين دراسيين

كنت ترجم المفردات دائما للانكليزي مو للعربي، هالشي كتير مفيد أولاً لأنه اللغتين اقرب لبعض وثانيا من أجل الحفاظ على المفردات الانكليزية لانو أغلب الطلاب اللي بيدرسوا بالألماني بتضعف لغتهم الانكليزية بسبب قلة الممارسة، أهم قاموس على الإطلاق هو [ انظر الرابط المرفق ]
إضافة إلى هاد الموقع الخاص بالتراكيب والمصطلحات [ انظر الرابط المرفق ]

ابتداء من مستوى B2 بنصح انه تترجموا من الألماني للألماني قدر الإمكان .. ومع الاسف اشتريت قواميس ألماني-ألماني حقها هديك الحسبة
طبعا عم قول مع الاسف لاني بعدين اكتشفت انها كلها موجودة عالنت مجانا O:) (للتفاصيل راجع هذا البوست [ انظر الرابط المرفق ] )
وفي هاد الموقع للمترادفات بالألماني [ انظر الرابط المرفق ]
كنت احضر Dragon Ball Z بالألماني وكتير ساعدني باللغة وخاصة السماعي .. انا بلاقي الكرتون كتير منيح بالبداية لتعلم اللغة

كورس B2 كالعادة أصعب من غيره ومليان معلومات، عملته لمدة 3 اشهر مع انه كان فيني خلصه بشهرين بس هاد المستوى بده إتقان منيح
----------------------
هون في شغلة مهمة لازم قولها .. خطأ ارتكبته وأذاني جدا، رح احكيه مشان الفائدة وما حدا يوقع بنفس المطب
في شهر ديسمبر 2014 حاولت التقديم على الفصل الصيفي 2015 على قبول مشروط في الفصل الدراسي الثالث في كليات الطب
كانت لغتي غير كافية وما كان عندي معرفة بطريقة التقديم ولا بعرف هالغروب ولا شو الجامعات يلي بدها تقديم عبر اوني اسيست (القائمة الموجودة في موقع اوني اسيست هي للفصل الاول بس وانا كان بدي فصل ثالث) ولا سيما اني كنت وقتها بلشان بالنقل من مدينة لمدينة ومشغول كتير
بوسط هالطوشة انعمى على قلبي وراسلت شركة أوستيو للخدمات الطلابية وافترضت انه هاد افضل حل مشان ما يروح علي الفصل وبعيننا الله على التكلفة، واتفقنا يراسلوا 7 جامعات على الفصل الثالث هم حددوها وقالوا أنه يمكن بدء الدوام فيها في الصيف، قاموا بعتوا الطلبات السبعة للاوني اسيست، وبعد فترة وصلني جواب من اوني اسيست بأن 6 طلبات من السبعة ألغيت لأنها تخص جامعات تحتاج لتقديم مباشر! وفقط الطلب السابع تحوّل إلى الجامعة المعنيّة .. وهذه الجامعة تبين لاحقا أنه ليس فيها فصل ثالث في الصيف، وحتى الطلبات الستة التي ألغيت في منها طلع بيخص جامعات كمان ما فيها فصل ثالث بالصيف من الاصل، يعني الطلبات السبعة كلها غلط والشركة طلعت معلوماتها عن الجامعات غير دقيقة بالمرة... ولما حاكيتهم ما رضيوا يرجعوا شي من الأجرة وحكوا كلام بذيء مصحوب بتهديد.
ولاحقا وانا عم قدم بالفصل الشتوي فحصت الطلبات اللي كانوا معبينها لقيتها مليانة أخطاء، واضح انو تعبئة الطلبات بتتم عالسريع ولا تدقق حتى انه المعلومات كانت متناقضة بين طلب وطلب!
هذا ما حدث.. لذلك نصيحتي لا حدا يتعامل مع شركات القبولات.. لأنو بيحكوا كلام أكبر منهم ومعلوماتهم سطحية ومانهم فاضيين يدققوا أوراقك لأنو ببساطة عندهم اوراق ألف واحد غيرك.. درس وتعلمناه، وتأملت خير للفصل الشتوي.
----------------------

نعود لمشوار اللغة ..عملت شهرين كورس C1 ثم شهرين C2 انتهوا بامتحان Goethe-C2 في شهر 2-2015
في أستاذ من معهد غوتة كان ينصح دائما بأنه العدد الأفضل لتعلم المفردات هو 20 مفردة جديدة كل يوم، لأنه هاد العدد اللي بيقدر يحفظه الدماغ بتركيز وأكتر من هيك بصير التركيز يقلّ، لذلك النصيحة هي تعلم 20 مفردة جديدة كل يوم، وليس تعلّم كل المفردات قبل الفحص بيومين مثلا ..
امتحان غوتة C2 صعب وما بنصح فيه.. نجحت بالشفهي والكتابي والسماعي وما نجحت بالقراءة، فقدمتها بالشهر اللي بعده (بامتحان غوتة C2 فيك تقدم كل قسم لحاله) وهالمرة نجحت فيه والحمد لله صارت معي شهادة غوتة C2 بفضل الله بفترة إجمالية 12 شهر، وبدأت انتظر التقديم للفصل الشتوي
خلال دراسة اللغة وخاصة بالمستويات الأخيرة استفدت جدا جدا من هذا الكتيب الصغير (بحجمه، والعظيم بقيمته :D ) الخاص بالتراكيب الألمانية (كيف تقول رأيا مخالفا، كيف تقاطع بأدب، كيف تربط الحجج ببعضها ...وهكذا) وخااااصة مشان امتحانات اللغة بقسم التعبير الكتابي والشفهي
[ انظر الرابط المرفق ]

-عملت كورس أونلاين عن الأبحاث الطبية والطب المسند للدليل EBM
-قدمت على ستاج رعاية مرضى Pflegepraktikum بال Charité .. لأنه أي طالب طب بشري ملزم يكون عامل 3 شهور من هالستاج قبل نهاية السنة الثانية
عملته بشهر 6 بس واجهت فيه صعوبة لأني ما مارست اللغة بشكل جيد من وقت ما خلصت السي2 (انقطاع 3 أشهر) وهاد كان خطأ، نصيحة لا حدا ينقطع عن ممارسة اللغة سواء بقراءة صحف عالنت أو مشاهدة نشرات اخبارية او الحكي مع حدا باستمرار.. أي انقطاع لفترة قصيرة عواقبه رح تكون سيئة وتراجع سريع

بهالفترة كنت بدأت حملة شعواء لجمع المعلومات عن الجامعات مشان الفصل الشتوي ونبشت بمواقع اغلب الجامعات الغربية.. روابط الصفحات المهمة من مواقع كليات الطب البشري جمعتهم بهاد الملف (الأوراق المطلوبة لكل جامعة وبورتال التقديم).. اذا حدا بدو يقدم على كليات الطب(خاصة يلي بدها تقديم مباشر) بيلاقي أهم الروابط هون [ انظر الرابط المرفق ]

معدلي بالالماني 1.1 … ومع الاسف ما سمعت عن فحص TestAS إلا بعد ما كانت منتهية فترة التسجيل
قدمت على 20 كلية طب على الفصل الاول هالمرة
طبعا الكل اجاهم رفوضات بالجملة من اغلب الجامعات، وأغلبهم ذكروا بشكل صريح انه علامة البكالوريا غير كافية
بس الحمد لله اللي يسرلي قبول من جامعة Bochum وسجلت فيها .. وبعدها اجاني قبول من Ulm بال Nachverfahren .. بالنهاية القبول تيسير من الله
وعملت امتحان TestAS باكتوبر للاحتياط، حكيت عن هالتجربة ببوست سابق [ انظر الرابط المرفق ]

بدأت الدوام اخيرا بعد سنتين من الانقطاع، حاليا بالفصل الثاني ورابع جامعة بدرس فيها :D
…………….
على فكرة جامعة Bochum كانت آخر جامعة قدمت عليها! حتى اني للحظة فكرت ما قدم وقلت إلا ما يجيني كم قبول من هال 19 ... بس بعدين قدمت مشان ما اندم على شي ومشان كون أخذت بكل الأسباب المتاحة ... فالحمد لله

ملاحظة: يلي ناوي يدرس طب بشري وخلص لغة ولسا عنده وقت لبين ما يبلش دوام -طبعا أول شي لازم يعمله هو انه يخلص من 3 شهور براكتيكوم الرعاية- بس اذا زاد معه وقت وحب يطّلع على شي من الطب البشري بإمكانه يشتري سلسلة كتب Medi-learn لإحدى المواد ويقرأ فيها (ال Physiologie مثلا كتير ممتعة) الكتب حلوة وميسّرة للفهم وهي أحد مصادر الدراسة للفزيكوم.. بتلاقوها مستعملة بموقع [ انظر الرابط المرفق ] أو جديدة على أمازون، وانتبهوا لتاريخ الإصدار.. وإذا شي ما فهمه فيه يبحث عالنت أو عالموقع الشهير [ انظر الرابط المرفق ]
………….…

ختاماً: اذا عندك هدف ضل/ي وراه ولا توقف/لا توقفي ، حتى لو كانت الفرص محدودة وحتى لو تعرضت/ي لمتاعب وشنططة، طالما عم تبذل/ي جهدك ومتوكل/ة على رب العالمين فهو قادر ييسر لك الطريق مهما كان صعب عليك.. ولا تهتم/ي إطلاقا بفكرة انو راح عليك وقت.. سنتين الانقطاع ما بعتبرهم ضاعوا لأنه قرأت فيهم كتب وطورت نفسي واستفدت منهم ودائما بيقدر الواحد يستفيد من الوقت وما يضيع سنين عمره، والوقت يلي بيستفيد منه لا يزعل عليه .. خلي نيتك لله لحتى تاخد/ي ثواب على صبرك وكفاحك وحط/ي لنفسك هدف انك تساهم/ي بالنهضة :)

والحمد لله رب العالمين على كل نعمه

بالتوفيق للكل ولا تواخذونا عالإطالة، واللي استفاد يدعيلنا :)

تجربتي في الحصول على شهادة DSH

29.05.2016 | تعلم اللغة الألمانية | المشاهدات 1553

السنة : 2016
المكان : داخل ألمانيا
المدينة : Aachen

بدأت تعلم اللغة الألمانية من الصفر في معهد Sprachenakademie Aachen وامضيت حقاً ايام رائعة هناك, ليس فقط لجودة التعليم الرائعة وانما للجو العام والطلاب ومعاملة المدرسين لنا.
باختصار شديد .. المعهد ممتاز برنامج التعليم به سريع جداً, من A1.1 إلى C1.2 تسعة اشهر فقط! مقسمة على اساس كل شهر مستوى واحد ( حوالي 28 يوم )
يقدم ايضاً مقعداً لتقديم الامتحان الاهم DSH في جامعة FH Aachen.
تكلفة الكورس الواحد ( الشهر الواحد ) 380 يورو. + 50 يورو للتسجيل اول مرة. يضاف اليها 140 يورو في حال تقديم امتحان الـ DSH.
في النهاية تمكنت من تجاوز الامتحان بنجاح من المحاولة الاولى, وهنا اشدد على ضرورة حضور الكورس الاخير DSH Vorbereitung او ( C1.2 ).

تجربتي في امتحان TestAS

29.05.2016 | امتحان TestAS | المشاهدات 1694

السنة : 2015
المكان : داخل ألمانيا
المدينة : Berlin

على امل تستفيدوا من التجربة ونساعد يلي بعدنا متل ما ساعدونا يلي قبلنا

بداية انا طالب طب بجامعة Bochum قدمت فحص TestAS بالعلوم الطبيعية والرياضيات بتاريخ 10.10.2015 والحمد لله طلعت النسبة المئوية 99% بالفحص المركزي و 95% بالفحص التخصصي

فحص TestAS هو امتحان للذكاء والقدرات العقلية ومعالجة المعلومات، بيرفع معدل شهادة البكالوريا كتير وفي كتير جامعات بتاخد فيه وفي منهم بيشترطوه
إجراء الفحص هلأ صار ضروري بعد ما ارتفعت معدلات القبول (كمثال كليات الطب البشري صار معظمها ما يقبل أي حدا علامته بالبكالوريا تحت 1.0 وحتى يلي علامتهم 1.0 مو كلهم عم ينقبلوا)

الامتحان مكون من قسمين، الأول هو الفحص المركزي والكل بيعمله والثاني تخصصي بيفرق حسب التخصص اللي بتختاره من بين التخصصات الأربعة المتاحة
انا عملت الفحص باللغة الانكليزية بتخصص العلوم الطبيعية والرياضيات وهو التخصص المطلوب للي بدو يقدم على كليات الطب

----------
ملاحظات ونصائح للامتحان:

الفحص المركزي: هو فحص ذكاء وقدرات رياضية أساسية وربط منطقي، بيتطلب القدرة على أداء العمليات الرياضية الأساسية بشكل ممتاز وسريع جداً
وبيتطلب معرفة بالقوانين الرياضية الأساسية (مثل كيف تحسب مساحات الأشكال الهندسية المعروفة)
ما بيحتاج قوانين معقدة مثل التفاضل والتكامل وما إلى ذلك، باختصار معلومات الإعدادي الأساسية.. لكن صعوبة الامتحان تكمن في تطلّبه للقدرة على المعالجة والربط المنطقي وليست في حفظ المعلومات، إضافة لضيق الوقت الشديد
النموذج الرسمي تبع الفحص كتير ممتاز وكتير فادني .. قريته قبل الامتحان بيوم
في أسئلة ال Completing Patterns أو الشكل المفقود ممكن تلاقوا عالانترنت كتير تمارين خارجية عليها للتدريب، متل هاد كتير كويس [ انظر الرابط المرفق ] ، وأجوبته بتلاقوها عاليوتيوب [ انظر الرابط المرفق ] .. كتير بيشبه اسئلة الشكل المفقود بال TestAS.

ونصيحة تدربوا منيح على عمليات قـســمة الأرقام الصعبة بالفواصل بحيث تقدروا تعملوها بسرعة فائقة لأنو رح تحتاجوها بالمسائل.
-----

الفحص التخصصي بالعلوم الطبيعية والرياضيات: هو امتحان للقدرة على الاستنتاج ومعالجة المعلومات بالعلوم الطبيعية والرياضيات
كمعلومات دراسية بيعتمد على معلومات المرحلة الإعدادية لغاية الصف العاشر (حسب المناهج السورية)، يعني بيتطلب معلومات أساسية بالأحياء والفيزيا والكيميا
ولكن تركيز الامتحان هو على الامور التانية وليس على المعلومات نفسها، يعني على الاستنتاج والربط، قليل يجي سؤال عن معلومة بحد ذاتها، بس لازم يكون في قاعدة علمية أساسية مشان تقدر تبني الاستنتاج عليها، بيتطلب كمان قدرة على قراءة ال diagrams
انا نزّلت كتب الفيزيا والكيميا السورية من الانترنت وراجعتهم عالسريع قبل الفحص بيومين... الحمد لله عندي أساس قوي لهيك ما احتجت راجع كتير .. كل واحد بيقدّر قديش بيلزمه مراجعة
كمان النموذج الرسمي رائع وضروري جدا
نصف أسئلة الفحص هي عبارة عن خرائط انسياب/ Flussdiagramme /Flowcharts ، حاولوا تجيبوا تمارين خارجية عليها من النت مشان تتدربوا عليها

--------------
ملاحظات عامة:
-أسئلة النموذج الرسمي مماثلة بالصعوبة لأسئلة الامتحان
-الكتب تبع تحضير TestAS ما عندي اطلاع عليها
-الامتحان بيتطلب معرفة أساسية باللغة الانكليزية او الألمانية (حسب اللغة اللي بتختارها) يعني تكون بتعرف الكلمات العلمية الأساسية بهاللغة وعندك مستوى لغوي فوق الوسط بحيث تقرا الاسئلة بشكل سلس وما تتعطل ويروح عليك وقت
-فحص ال On-screen Test تبع اللغة ما بعرف شو فائدته بس اللغة المطلوبة فيه أصعب من اللغة المطلوبة للامتحان نفسه
-بنصح بحل النموذج الرسمي وقراءته كاملا قبل الامتحان بيوم واحد مشان تبقى الملاحظات اللي فيه عالقة بالذهن، والافضل من هيك حله قبل عدة ايام ثم حله من جديد قبل الامتحان بيوم
-الامتحان لقيته كتير حلو وأسئلته كلها أشبه بحزازير، محبي الحزازير والألغاز رح يستمتعوا فيه كتير :)

يلي استفاد يدعيلنا
وموفقين جميعا والله ييسر الأمور.. يا ميسّر :)

كيف يمكن ان احصل على قبول طب بشري في المانيا بمعدل 1.2 (95%) في الشهادة الثانوية العامة (بكالوريا) ؟

29.05.2016 | تحصيل القبول الجامعي | المشاهدات 6963

السنة : 2015
المكان : داخل ألمانيا
المدينة : Ulm

الحصول على قبول طب في المانيا اصبح في السنوات الاخيرة صعب المنال على الكثير من الطلاب الاجانب ومنهم العرب .
بهل بوست بدي اكتب تجربتي كيف حسنت احصل على قبول طب عسى ان تستفيدوا منها و يستفيد منها الطلاب العرب الراغبين في دراسة الطب في المانيا :

في 12.03.2014 وصلت الاراضي الالمانية عن طريق فيزا طلابية - من قبل سفارة المانيا بأنقرة .
بعد بيوم من وصولي بلشت بكورس اللغة ال A2 في مدينه غوتنغن بعد ما تعلمت ال A1 في سوريا و عملت بعد هل كورس كورسي B1 و B2 و في منتصف سبتمبر 2014 انهيت كورس اللغه B2 بنجاح وبعدها بلشت احضر لفحص ال DSH - فحص اللغة المطلوب من قبل الجامعات الالمانية من الطلاب الاجانب - عن طريق حل امثلة للفحص و عن طريق كتب للقواعد وما عملت كورس ال C1 ولا حتى كورس تحضيري

DSH - Vorbereitungskurs من اجل التحضير لهذا الفحص .
بعد بشهرين من التحضير للفحص ( بعد ب 8 اشهر من وصولي عالمانيا ) عملت فحص DSH لاول مرة في هانوفر في نوفمبر 2014 و نجحت فيه و حسنت اجيب DSH 2 .
بعد النجاح في الفحص مباشرة عملت متل دورة تمريض او رعاية Pflegepraktikum- لمدة شهر في مشفى مشان يصير وضعي افضل لدى الجامعات ( طلاب الطب هون يجب عليهم فعل هي الدورة لمدة لا تقل عن ثلاثة اشهر قبل السنة الدراسية الثالثة و ممكن يعملوها قبل المباشرة بالدراسة ) .

قدمت طلبات طب عكل جامعات الطب اللي بتفتح في الفصل الصيفي2015 الا جامعتين
جامعات الطب اللي بتفتح في الفصل الصيفي و عددها 9 :
جامعة برلين - غوتنغن - غيسين - ارلنغن - ماينز – فورتسبورغ – كولن - مونستر- توبنغن
( ملاحظة : هي الجامعات بتفتح في الفصل الشتوي ايضا و بتاخذ تقريبا نفس العدد من الطلاب في الفصلين )
- جامعة كولن ما قدمتلها لاني بدها TestAS بلاضافه للمشاركة في برنامج تحضيري للدراسة لمدة فصل عند الجامعة
einsemesteriges Programm des Studienstarts و ما كان عندي هل الشرطين
- جامعة مونستر ماقدمتلها كمان لاني بدها DSH 3

الاوراق اللي قدمتها للجامعات :
- شهادة ثانوية سوريه - الفرع العلمي بمعدل - 1.2 - (95%)
- كشف علامات في السنة الدراسية الاولى - كلية طب الاسنان جامعة حلب - بمعدل 89.5%
- ورقه تثبت اني كنت من الطلاب العشره الاوائل في السنة الدراسية الاولى - كلية طب الاسنان حلب -
- شهادة اللغة DSH 2 von FSZ Hannover
- شهادة تثبت اني عملت دوره Pflegepraktikum لمدة شهر
بالاضافه للاوراق الشخصية متل جواز السفر و ...... و متطلبات الطلب تبع الجامعة متل طلب التقديم تبع الجامعةو ........

الحصول على قبول طب في الفصل الصيفي صعب كتير (و اكيد اصعب من الشتوي) وخاصة اذا كان معدلك 1.2 و اعلى لعده اسباب منها :
- عدد قليل من الجامعات اللي ممكن الواحد يقدملها في هذا الفصل ( قد
ذكرت سابقا ) بينما في حوالي 35 جامعة للطب في الفصل الشتوي .
- معظم هل جامعات بتاخد عدد قليل من الطلاب في الفصل الصيفي

مثلا اكتر جامعة بتاخد اكبر عدد طلاب طب في الفصل الصيفي هي جامعة برلين Charité وهي بتاخد320 طالب طب في الفصل الاول منهم 16 طالب من غير دول ال EU وفي الفصل الشتوي بتاخد جامعة برلين نفس الشي ايضا بينما اكتر جامعة بتاخد اكبر عدد طلاب طب في الفصل الشتوي هي جامعة ميونيخ LMU يلي بتاخد 850-900 طالب منهم حوالي 45 - 50 طالب من الدول الاجنبية عدا دول ال EU .

الحمدلله ما طلعلي قبول طب بهذا الفصل مما خلاني اعمل كم شغلة مشان احسن معدلي و وضعي لدى الجامعات في الفصل الشتوي و هي :
1.عمل دورة Pflegepraktikum ثانية لمدة شهر واحد في فبراير 2015 .
2. عمل فحص ال DSH مره تانية بغية الحصول على DSH 3 بحكم انو بعض الجامعات متل ج مونستر و روستك و مغدبورغ و غرايفسفلد تضع شرط ال DSH 3 من اجل التقديم على مقعد دراسي ل الطب و فروع اخرى :
قدمت الفحص مرة ثانية في مارس 2015 و تمكنت من الحصول عل DSH 3 .
3. عمل فحص TestAS-فحص ممكن للطالب الاجنبي من خلاله ان يحسن معدله في الثانوية وبالتالي رفع فرص قبوله لدى عدد لا بأس به من الجامعات الالمانية (شرح كامل عن كيفية رفع المعدل من خلال الفحص و عن الجامعات اللي تعترف به و..... رح ينزل في الايام القليلة القادمة) :
عملت الفحص في ابريل 2015 و نجحت فيه مما حسنلي معدلي بعدد من الجامعات .
- معدلي بجامعه اولم تحسن 0.4 كان معدلي 1.2 قبل الفحص اصبح بعده 1.0 ولو كان معدلي 1.4 لكان اصبح كمان 1.0
- معدلي بماينز تحسن من 1.3 الى 1.1 و .....
الشغلة اللي اكتر شي نفعتني من هل 3 شغلات كانت طبعا ال TestAs.
الفترة بين ابريل 2015 و حتى اللحظة هذه استمثرتها في عمل مكثف لدى شركة اعمال مؤقتة في غوتنغن وقدرت ادخر مصاري للدراسة .
قدمت على حوالي 28 جامعة ع الفصل الشتوي 2015 بنفس الشهادات اللي قدمتها بالاضافة الى الشغلات ال 3 اللي عملتها ( تم ذكرها سابقا ) .

الحمدلله حصلت في 08.08.2015 على اول قبول طب بشري من جامعة اولم Ulm بعد ما حسنت معدلي فيها عن طريق ال TestAS.

تجربتي الصعبة في الحصول على مقعد في كلية الطب البشري في جامعة Dresden

29.05.2016 | السنة التحضيرية Studienkolleg | المشاهدات 5798

السنة : 2015
المكان : داخل ألمانيا
المدينة : Dresden

لعل تجربتي لا تشابه أي تجربة قد مرت أو ذكرت هنا، ولكن عسى ولعل أن تفيد أحداً يوماً ما .

نقاط سأذكرها في البداية :
-شهادتي الثانوية 2009 -2010 ( البكالوريا / الابيتور ) صادرة من قطر بمعدل 97.5% أي مما يعادل بالألماني 1.1
- درست سنتين في الفترة بين 2010 -2012 في كلية الطب البشري في جامعة حلب.
- قمت بتدريب مهني ( Praktikum ) لمدة 10 أشهر في مؤسسة حمد الطبية في قطر.
- بتاريخ 1.7.2014 وصلت إلى مدينة فرانكفورت بفيزا دراسية حصلت عليها من قبل السفارة الألمانية في قطر، وبدأت في أول مستوى في اللغة الألمانية A1.1 بعد أسبوع لي من دخولي لألمانيا ( أي 7.7.2014) إلا أنه وبسبب سوء جودة التعليم في المدرسة ونصب وجشع مديرها للمال، تركت المدرسة وانشغلت في ترتيب أموري التي يجب على أي شخص أن يقوم بها فور دخوله ألمانيا.

في الشهر الثامن سجلت في مدرسة لغة أخرى وهي مدرسة Zentrum für deutsche Sprache und Kultur في فرانكفورت، وهي من أقدم وأقوى المدارس لتعليم اللغة الألمانية.
اشترطوا علي في البداية بتقديم امتحان تحديد مستوى قبل تسجيلي، جهزت نفسي قليلاً وبدأت الامتحان وكلي ثقة على أن مستواي سيكون هو A1.1، إلا أنني صدمت عندما أخبرت بأن مستواي هو A2.1 !

كان الأمر بالفعل تحدياً صعباً لي، فغيري في الفصل يستطيع تكوين الجمل، بل بدأ بتعلم الجمل المعترضة ( Nebensatz )، وأنا أقصى ما يمكنني أن أفعله هو أن أعرف عن نفسي بجمل ركيكة وذكر الحروف والأرقام الألمانية وبعض الكلمات مع أدوات تعريفها. بالفعل كان الأمر صعبا، وواجهت الكثير من الانتقادات من مدرسيّ على أنني دون المستوى اللغوي A2.1 وأنه يجب علي أن ابدأ من الصفر. إلا أنني لم أهتم وعزمت على تعلم ما فاتني بنفسي. كنت قد خسرت بضع سنين من عمري ولا أستيطع أن أتاخر أكثر من ذلك!
أنهيت المستوى A2.1 لأسجل بعدها بدورتين مكثفتين A2.2 و B1.1، مما سبب لي فعلا الكثير من الإرهاق والضغط ( أنصح الجميع؛ إن لم تكن واثقا من نفسك ولديك الوقت الكافي فاعط اللغة حقها وامش بها على مهل )، بجانب الإرهاق المضاعف زادت انتقادات مدرسيّ على حركتي هذه ووصفت بالمجنون. أذكر أن أحدهما قد قال لي بأنني سأفشل، وإن لم أتوقف عن جنوني هذا فإن نهايتي ستكون في تنظيف الحمامات للألمان. لعل كلماته كانت قاسية وتحمل في طياتها نوعا من الإهانة، إلا أنني غضتت عنها في سبيل تحقيق هدفي.

في نهاية شهر يناير 2015 كنت قد أنهيت مستوى C1.1، إلا أن الجميع من مدرسين وطلبة بمن فيهم المدرس الذي أهانني كان يشهد لي على أنني بمستوى أعلى من C1، وإن معجزة قد ساهمت في تحقيق المستوى الذي أنا فيه. هي ليست معجزة، بل هو فضل من الله علي فالحمد الله. :)
في شهر فبراير سجلت للدورة التحضيرية للامتحان الـ TestDaf ( مدة الدورة شهر ) بتزكية من عدة مدرسين لي ( شرط التسجيل للدورة التحضيرية لـ TestDaf في المدرسة كان هو إكمال مستوى C1 ) وفي نهاية شهر أبريل قدمت امتحان الـ TestDaf وحصلت على النتيجة في الشهر السادس، وكانت النتيجة المطلوبة للدراسة في الجامعات الألمانية. لابدأ بعدها بمرحلة مراسلة الجامعات الألمانية بنية دراسة الطب البشري.

بعد الإستفسار من الـ Uni-Assist، Anabin ومن الجامعات الألمانية، قيل لي أنه يحق لي التقديم على الفصل الأولى للطب مباشرة من دون التقديم على السنة التحضيرية. وأن الإجراءات ستكون روتينية حيث أن المطلوب هو فقط إثبات نجاح في سنة دراسية جامعية في الطب البشري.
تفاءلت خيراً وقدمت لـ 30 جامعة تدرس الطب، وكلي يقين على أنني سأحصل على 30 قبولاً لاحتار بعدها في أي جامعة سأدرس. لأكون صادقاً معكم؛ كم كانت أحلامي وردية :)
وصلني بعد فترة رد من الـ Uni-Assist على أنه أرسل طلباتي للجامعات وأن علامتي لديهم هي 1.9
استغربت من الأمر، وعندما استفسرت، كان الرد مخالفا لما ذكروه لي سابقا، حيث أنهم قاموا بجمع معدل الأبيتور مع معدل السنة الجامعية الأولى وتحول المعدل من 1.1 إلى 1.9.
لتبدأ بعدها الجامعات بالردود، أول رفض بل ثان بل ثالث، بل وصل إلى عشرة رفوض خلال مدة 3 – 4 أيام! كان الأمر كالصاعقة علي وأنا أرى هدفي يبعتد عني!

بدأت بالبحث عن حل بديل! سجلت لامتحان الـ Test-As في أكتوبر وبدأت بمراسلة المستشفيات لعمل تدريب مهني لديهم في الفترة الحالية. بالإضافة إلى تقديم طلب الدراسة في أحد تخصصات الـ zulassungsfrei.

بعدما وصلني الرفض رقم 22 بأيام، وصلتني رسالة على ايميلي من جامعة درسدن بدعوة لمقابلة شخصية ( وهي المرحلة الأخيرة من مراحل اختيار الطلبة لديهم ).
هنا أشكر بشكل شخصي أخي Fares Hussen وبعض الأصدقاء لي الذين قدموا المقابلة سابقا، فلولا بوسته الفوضوي وشرحه لمجريات المقابلة في الجامعة بحكم أنه أحد طلابها، لما كان لدي أدنى فكرة عن محتوى المقابلة ولما استطعت من اجتيازها. كل الشكر لك :)
كانت مقابلتي في الساعة الرابعة ونصف عصراً من يوم 1.9.2015. كنت الطالب الأخير من المتقدمين الذين قدموا المقابلة في كلية الطب البشري.

المقابلة تنقسم إلى قسمين : جانب شخصي- جانب علمي
الجانب الشخصي : أسئلة عن سبب اخيار الطب البشري والجامعة والمدينة.
الجانب العلمي : أسئلة عامة من الثانوية في الكيمياء والأحياء والفيزياء. هنا واجهت صعوبة في تذكر المعلومات العلمية، في حين لم أواجه أي مشاكل لغوية في الشرح والوصف :)

في اليوم التالي 2.9.2015 في الساعة 2 ظهراً، وصلني بريد إلكتروني من الجامعة ذكر فيه بأنه تم قبولي في كلية الطب البشري في جامعة درسدن.
والحمد الله، اليوم أكملت أوراق تسجيلي في الكلية، ولم أستطع أن أصدق عندما باركت لي الموظفة بأنني أصبحت طالباً لديهم وأن شهراً واحداً يفصلني عتبة الطب البشري من جديد!
نصيحتي للجميع: ضع هدفاً لك، ولا تهتم بما يقوله الآخرين. كن حريصاً على فهم المعلومات الغامضة التي تذكرها دائما الهيئات الألمانية سواءا الدراسية أو غيرها، واحرص على أن يكون لديك دائماً خطة بديلة ( خطة – ب ). الأهم من هذا كله، ضع ثقتك بيد رب العالمين وتوكل عليه بعد أن فعلت كل ما عليك.
اللهم ارزق الجميع بما أحب
و لا تواخذونا - طولنا الجريدة وهي قصيرة

تجربتي الشائكة في الحصول على الفيزا الدراسية من السفارة الألمانية في بيروت

29.05.2016 | السفارة الألمانية | المشاهدات 3436

السنة : 2015
المكان : خارج ألمانيا
المدينة : بيروت

السلام عليكم ..
تجربتي شائكة قليلاً ..
3 أشهر انتظار موعد المقابلة ..
9 أشهر بين المقابلة واستلام الفيزا ..
بس لعل وعسى حدا يستفيد من الأخطاء يلي صارت معي .. والصدف يلي صارت ..واسف سلفا على الاطالة ..
رح أبدا بنفس الترتيب الزمني للأحداث :

أولاً : بعد التخرج كطبيب أسنان 2014 وتجهيز الأوراق والتصديق و و .. بلشت سنة 2015 .. قررت احجز موعد .. كانت سفارة بيروت عبتتاخر شهرين لتعطي موعد فحجزت بال I-Data في أنقره .. واجاني موعد بتاريخ 26-05-2015 ..
اعتبرته بعيد جدا .. حكيت مع أحمد حوري – دار العلوم .. والشباب ما قصروا خلال أسبوعين خبروني أنو حجزولي موعد ببيروت طبعاً .. بس الصدفة المزعجة جدا أنو كماااان الموعد انحجز بتاريخ 26-05-2015 !!! ولو بدي ياها قصدا ما بتجي ..
لغيت موعد تركيا وضليت على موعد بيروت ..

ثانياً: نويت أقدم فيزا هوسبيتاتسيون من عيادة 3 أشهر + كورس لغة مكثف من غوتيه 3 أشهر .. وأوراقي جاهزة .متل البوست باول كومنت ..
بالإضافة إلو شهادات خاصة فيني وورقة من استاذي الألماني اني دارس b1 وهي أول مصيبة رح أذكرها بعدين ..
. طلعت على بيروت وفتت ببطاقة نقابية كطبيب ..
مقابلتي كانت الساعة 12 ونص وما فوتوني لل 4 وتلت ..كالعادة ضغط شديد وما في تنظيم جيد ..
المقابلة كانت سلسلة جدا والموظفة متعاونة كتير وقالتلي ورقة مستوى اللغة من استاذي غير معترف فيها ويمكن تأثر ..

ثالثا: المصايب ..
بعد 5 أيام من المقابلة اتصلت الموظفة فيني وقالت أنو بالفعل ما رضيوا يعتبروا أني بمستوى B1 بدون شهادة ..
(بهديك الفترة ما كانت شائعة فكرة فحص تحديد المستوى والأغلبية بيعملوا فحص الZD ) ..
وخيرتني إما اقلبها فيزا لغة فقط بما اني جايب قبول لغة أو نتتظرني أعمل فحص اللغة و ينرفع ملفي مباشرة )
طلبت مهلة أسبوع وترجع تخبرني .. وبالفعل رجعت خبرتني بعد أسبوع وطلبت ينتظروا أني اعمل الفحص ..
لأنو فيزا اللغة كانت ضعيفة من حيث القبول ..
رجعوا خبروني بعد أسبوعين وما انتبهت علموبايل ونشفوا عيوني أحاول يعلق الخط معي وما يعلق !!!!
يمكن دقيت الف مرة بالنهار ..
وحظظت معي ورجعوا اتصلوا وقالتلي في مشكلة برسالة الدوافع أنا حاططها تحت مسمى StudiumVisum
وهاد شي غلط لأني مقدم غير نوع فيزا .. وبالفعل غيرت العنوان وشلت كل ما هو متعلق بالدراسة الجامعية من رسالة الدوافع
وبعتتها ..
حاولت اتواصل مع معهد غوتيه ببيروت لاعمل فحص تحديد مستوى (بهدف اجيب B1 ) واضمه لملفي ..
وكرهوني حياتي .. أحقر تعامل ممكن يتم .. تسبيح وكذب ..تسبيح وكذب ..
هالأسبوع في وهالأسبوع ما في.. وما منعرف امتى و و و
ضليت ملكوع شهرين كاملات بسببهن ..ولما قررت أقدم ZD كانوا مسددين وما في مواعيد لشهر 10-2015 ..
وبعدها يئست من لبنان وقررت اطلع اعمل الفحص بتركيا لأنو في 3 معاهد غوتيه ..
إسطنبول وانقرة وازمير ..
طلعت على تركيا ايد من ورا وايد من قدام . بدون حجز وبدون ما اتاكد إذا في فحص تحديد مستوى ولا لأ
.. ما بعرف أي شي .. بس قلت أكيد احسن من حقارة بيروت ..
وبالقعل الحمد لله من اول نهار تيسرت باسطنبول وعملت الفحص بنفس اليوم واخدت النتيجة B2 الحمد لله .
ونزلت عبيروت فورا .. هالحكي بشهر 09-2015 .. وكملت ملفي .. وطبعا اضطريت اجدد القبولات كلها لأنو راح تاريخها ..
هون كان صرلي تقريبا 4 اشهر مقابل وملكوع للأسف ..

رابعاً : تغيير السفير الألماني :
لما جبت B2 قلت لحالي بقلب الفيزا بحث عن عمل وباخدها بأسبوع وبخلص من هالمصايب ..
وعلى حظي بهي الفترة كان جاي سفير جديد عسفارة بيروت ورفض طلبي ..
وكنت امام خيارين إما أكمل بنفس الفيزا بما أنو اكتمل ملفي (بس بدي انتظر يطلع الملف لألمانيا ويرجع )
أو الغيه واقدم موعد جديد ببحث عن عمل لأنو محقق الشروط ..
بس قررت أضل على نفس نوع الفيزا ..
وبالفعل بعد 3 أيام بتتصل فيني الموظفة وقالتلي ملفك طلع لألمانيا ..

خامساً : الضياع :
وانشغلت بفحص الماجستير والعيد و و و وما اجت الفيزا لسا !!
يا جماعة .. يا سفارة .. شو الوضع ! لاحياة لمن تنادي ..
أحاول اتصل ما يعلق ..
ولما يعلق ما يردوا الاكابر ..
الشباب بألمانيا سألوا بدائرة الأجانب بألمانيا ويجاوبوا أنو الملف قيد الدراسة لسا ..
وأنا خلصت أول سنة ماجستير وبلشت بالتانية ..
وببداية 11-2015 اجاني تلفون من السفارة أنو تم الموافقة على فيزا 6 اشهر ..
وللمرة التانية جددت القبولات وفورا تاني نهار نزلت عبيروت ..
وسلمت جوازي عشباك رقم 1 .. وقلي رجاع الساعة 3 متل الكل .. ولما رجعلي الجواز :
((قلي ما في فيزا !! لسا ما وصل شي ))
انا هون الشياطين السود والقرود عبتنط قدامي .. وللأسف في بلور بيني وبين الموظف اللذيذ عشباك رقم 1 ..
من غضبي رجعت بنفس الليلة على حلب ..
وقلت بدي اصبر اسبوع أسبوعين ..
بعتت ورقة المقابلة وصور جواز مع قرايبي لحتى يستلم الجواز ويستفسر .. رفضوا
قال ممنوع إلا بوكالة !! أو انا اجي شخصي ..
طبعا واضح انو في شي غلط وتعجيز الموضوع ..
وبلشت سنة 2016 .. وبالشهر الأول
رجعوا الشباب سألوا بدائرة الأجانب وراسلناهن بالايميل :
موظفة دائرة الأجانب قالت لصديقي انو في شي غريب أني انا مقدم طلبين فيزا بنفس الوقت ..
فيزا بحث عن عمل ... وفيزا ستاج ولغة !
وما عرفت تتصرف او تعطيه جواب
وبعد مرة تانية حولوه لمديرة معينة ..
وبعد عدة مرات تواصل
بعتولي دائرة الأجانب أنو نحن بعتنا لسفارة بيروت قرار بمنحك فيزا بحث عن عمل بتاريخ 06-11-2015 ..
وأني لازم اتابع فورا اموري مع بيروت ...دون باقي التفاصيل ..
طبعت هالايميل ورجعت نزلت مباشرة على السفارة ببيروت يا قاتل يا مقتول
عملت لبكة وحوصة طويلة لحتى فتت لجوا علسفارة ..
وفتت وفرجيتهن الايميلات بيني وبين دائرة الاجانب
الموظفة اخدت الايميلات المطبوعة وراحت للسفير ورجعت ..

)))))الخلاصة )))) :
1- السفارة ضيعوا ملفي كاملاً وخاصة لما تبدل السفير بشهر 9 .ولولا كرم رب العالمين وأنو الموظفة بنت حلال وخدمتني جدا لما اخدت الفيزا.
2- اول فيزا اجتني الموافقة عليها كانت بتاريخ شهر 09-2015 بس ما خبروني عليها لأنو ملفي ضايع ..(فيزا الستاج).
3- بتاريخ 06-11-2015 بتجيني تانية فيزا باسمي من المانيا (بحث عن عمل ) ..
4- السفارة ببيروت بخبروني بشهر 11-2015 استلم الفيزا .. ولما حطيت الجواز للاستلام ما عرفوا أي فيزا يعطوني وقالولي راجعنا بعدين !!!!
5- يلي تدارك الموقف أخيرا هي نفس موظفتي .. لما رحت بشباط 2016 علسفارة طلبت مني ارجع اجيب كل شهاداتي وقالتلي حيلا شي المهم نعمل ملف صغير إلك عنا ..
6- جدد قبولاتي 4 مرات وجن مني صاحب القبولات بالأخير طلعت بغير نوع فيزا تماما ..
نصائح من تجربتي :
1- أوعى توقف حياتك ببلدك وانت عبتنتظر الفيزا .. انا خلصت سنة ماستر جراحة فكية وجهية بالجامعة بحلب .. وبلشت بالسنة التانية وبنص السنة سافرت ..
2- اللغة ثم اللغة ثم اللغة ثم اللغة ثم اللغة .. اكتر شغلة ندمان عليها انا أني انقطعت عن دراسة الألماني 6 اشهر ..
انا حاليا بألمانيا ومقهور على هديك الفترة . بختلف حياتك تماما لما بتوصل لهون وانت قد حالك باللغة وحتى لو عبتدرس لحالك..
بتقدر تتمكن ..
3-فيزا البحث عن عمل شبه مضمونة بإذن الله وهاد بوست بتتعرفوا على أنواع الفيزا
4- انا سافرت عبر الخطوط الجوية المصرية .. المميز فيها انو بتسمحلك بوزن 46 كيلو + 8 هاند باغ .. وممكن تشتري حقيبة تالتة بسعر 150 دولار يعني 69 كيلو تحت + 8 هاند باغ ..
ما عدا الوزن التهريب يلي بتقدر تطالعه (انا طالعت 102 كيلو )
5- كنت دائما احتفظ بملفاتي وشهاداتي بعدة أماكن واكتر من نسخة .. وهالشي ساعدني لما ساعدتني الموظفة وطلبت ارجع اجيب كل شهاداتي كنت رح اتعذب وانزل لحلب وارجع اطلع لبيروت وممكن تضيع فرصة التساهل من السفير .. طبعا الأفضل من هاد كلو اسحبوها سكنر وارفعوها على دربوكس او غوغل درايف ..
6- صعب جدا تتابع حالة الملف الخاص فيك عن طريق الاتصال بالسفارة ..
إما ايميلات وإذا ما جاوبوا روح انزل شخصياً وتابع موضوعك ((ماحك جلدك مثل ظفرك )) .. وممكن رفقاتك بألمانيا يساعدوك ويسألولوك دائرة الأجانب بالمدينة يلي مقدم عليها عن ملفك ..

تجربتي الكاملة في السنة التحضيرية بدءاً من المراسلة مروراً بتقديم إمتحان القبول والدوام وانتهاءاً بالإمتحان النهائي

29.05.2016 | السنة التحضيرية Studienkolleg | المشاهدات 2408

السنة : 2015
المكان : داخل ألمانيا
المدينة : Nordhausen

المراسلة
الأوراق المطلوبة للتقديم:
نموذج التقديم
[ انظر الرابط المرفق ]
شهادة لغة B1
صورة جواز
شهادة ثانوية مصدقة
سيرة ذاتية

ترسل إلى:
Internationale Büro der Universität Jena
Fürstengraben 1
D-07743 Jena

امتحان القبول
امتحان لغة ألمانية وامتحان رياضيات
يتألف امتحان اللغة الألمانية من ثلاثة أقسام
القراءة: نص تقريبا 21 سطر وأسئلة عنه
يمكن التدرب عليه من خلال قراءة الصحف والمجلات والمقالات العلمية
السمع: نص تقريبا 19 سطر وأسئلة عنه
يمكن التدرب عليه من خلال سماع الراديو ومشاهدة البرامج والمسلسلات الألمانية
القواعد: تمارين في أساسيات اللغة الألمانية
يمكن التدرب عليه من خلال كتب القواعد
نموذج لامتحان اللغة: [ انظر الرابط المرفق ]

الرياضيات: امتحان في أساسيات الرياضيات
يمكن التدرب عليه من خلال مواقع الانترنت المتخصصة بتدريس الرياضيات أو كتب المدرسة أو كتب الرياضيات المتوفرة في المكتبات
نموذج لامتحان الرياضيات: [ انظر الرابط المرفق ]

عدد الطلاب: 500-700
مستوى صعوبة الامتحان: وسط
معايير القبول: قرار مدير الكلية - الجنسية - علامة الإمتحان

الدوام والدراسة
رح احكي هون بالعامية لان في كتير شرح
الدوام فصلين
عدد المواد: 7
الطالب بيقدر يعيد كل فصل مرة واحدة
الاعادة بتكون اذا رسب الطالب بمادة ( جاب فيها 6 ) أو كان عالحد بمادتين ( جاب فيهن 5 )
اذا كان الطالب عالحد بمادة واحدة ( جاب فيها 5 ) بيصير في اجتماع اساتذة وبيقررو اذا بيقدر ينجح او لازم يعيد
اذا عاد الطالب الفصل ورسب مرة تانية بينفصل من الكلية
في عدد ساعات غياب بدون عذر محدد, إذا قطع الطالب هاد الحد كمان بينفصل من الكلية
بكل فصل في خمس امتحانات لكل مادة, ثلاثة صغار Leistungskontrolle وتنين كبار Klausur, متوسط التلاتة الصغار بينحسب علامة امتحان كبير, يعني بيصير بآخر الفصل ثلاث امتحانات كبيرة
يعني بيصير عند الطالب من الفصل الأول ثلاث علامات لامتحانات كبيرة و ثلاثة من الفصل التاني
حتى يحسبو المعدل النهائي بيحسبو متوسط الثلاث علامات من الفصل الأول وبيحسبو على انو امتحان كبير
بيضيفو لعلامات الفصل التاني و بيحسبو المتوسط النهائي
مثال:
مادة X
الفصل الأول:
علامات الامتحانات الصفيرة: 1,7 - 2,3 - 4
علامات المتحانات الكبيرة: 2 - 2
متوسط الامتحانات الصغيرة: 3
علامة الفصل النهائية: بنجمع 2 و 2 و 3 وبنقسمهم ع 3
علامة الفصل الأول: 2,3
الفصل الثاني:
علامات الامتحانات الصغيرة: 2 - 3 - 2
علامات الامتحانات الكبيرة: 3 - 3
متوسط الامتحانات الصغيرة: 2,3
العلامة النهائية: بنجمع علامات الامتحانات الكبيرة بالفصل التاني مع متوسط الامتحانات الصغيرة بالفصل التاني مع علامة الفصل الاول النهائية وبنقسمهم ع 4
يعني 3 و 3 و 2,3 و 2,3
بيعطينا 10,4 تقسيم 4 بيطلع الناتج 2,6
بالشهادة النهائية ما بينزل المعدل بالفاصلة يعني بتصير العلامة 3

بعد ما يخلص الطالب هالشي كلو و يخلص العلامات بيجي الفحص النهائي
لازم يختار الطالب 3 مواد ويكتب الامتحان فيها
الطالب مجبر على انو يعمل امتحان الالماني
إضافة على ما سبق: يمكن استعمال قاموس ألماني ألماني

الدوام والدراسة
المنهاج:
اللغة الألمانية:
C1
الرياضيات:
1.المجموعات والمصفوفات
2.المتجهات
3.المتتاليات
4.الدوال
الفيزياء:
1.الميكانيك
2.الحرارة
3.الكهرباء
4.العدسات
الكيمياء:
1.ما هي الكيمياء
2.الذرة
3.الجدول الدوري للعناصر
4.الروابط بين الذرات
5.الكيمياء الغير عضوية
6.الكيمياء الكهربائية
7.سرعة التفاعل
الأحياء:
1.ما هي الأحياء
2.الخلية
3.العظام والمفاصل
4.العضلات
5.الجهاز الدوري
6.الجهاز التنفسي
7.الجهاز البولي
8.الجهاز التكاثري
المعلوماتية:
Microsoft Office
اللغة الإنجليزية:
تعاريف ومصطلحات

الامتحان النهائي
3 امتحانات
1.اللغة الألمانية:
يجب على الطالب القيام به
يحتاج الطالب لشهادة TestDaF TDN4 أو DSH2 حتى يعفى من امتحان اللغة الألمانية
الإمتحان 4 أقسام
1.السمع:
نص سمعي طويل مع أسئلة
يتم التدرب عليه خلال السنة, يمكن الإستماع إلى الراديو أو مشاهدة البرامج العلمية للتحضير له
2.الكتابة:
Grafikbeschreibung
يتم التدرب عليه خلال السنة, يمكن التحضير له من خلال النماذج المطروحة في الإنترنت أو من خلال كتب اللغة
3.القراءة:
يمكن التحضير له من خلال قراءة الجريدة والمجلات والمقالات العلمية
4.القواعد:
يتم التحضير له مع مدرس المادة
وسائل المساعدة: قاموس ألماني ألماني
2.الرياضيات أو الفيزياء:
يمكن للطالب الاختيار بينهما
الرياضيات:
تمارين للأبحاث المذكورة, أنصح شخصيا بالالتزام بمنهاج المعلم وعدم الاستعانة بمصادر خارجية
الفيزياء:
تمارين للأبحاث المذكورة, يمكن الاستعانة بالانترنت وكتب التمارين للتحضير له
وسائل المساعدة: قاموس ألماني ألماني, Tafelwerk, آلة حاسبة علمية
3.الأحياء أو الكيمياء:
يمكن للطالب الاختيار بينهما
الأحياء:
أسئلة موسعة تحتاج للتحليل والفهم, ينصح باستعمال مصادر خارجية كالإنترنت والكتب
الكيمياء:
أسئلة من المنهاج مع بعض المسائل, ينصح استعمال المصادر الخارجية
وسائل المساعدة: قاموس ألماني ألماني للأحياء
قاموس ألماني ألماني, Tafelwerk, آلة حاسبة للكيمياء
بعد الامتحان:
إذا كان الفرق بين العلامة النهائية للفصلين الأول والثاني وعلامة الإمتحان بمقدار علامة واحدة (أفضل أو أسوء) أو بقي الطالب على نفس المستوى, فتحسب علامة الامتحان النهائي في الشهادة
إذا كان الفرق علامتين أو أكثر, فيجب على الطالب القيام بامتحان نهائي شفوي ويتم حساب متوسط العلامة النهائية للفصلين الأول و الثاني و علامة الامتحان النهائي الكتابي و الامتحان النهائي الشفوي وتحسب هذه العلامة في الشهادة
بالنسبة للمواد التي لا يقوم الطالب باختيارها للامتحان النهائي (الفيزياء في حال اختار الطالب رياضيات للامتحان النهائي) أو المواد التي لا يجب عليه القيام فيها بامتحان نهائي, فتحسب العلامة النهائية للفصلين الأول و الثاني في الشهادة, في حال كانت هذه العلامة 5 فيفضل أن يقوم الطالب بامتحان كتابي فيها, فإذا رفض يجب عليه القيام بامتحان شفوي فيها
مثال:
العلامة النهائية للأحياء: 5
اختار الطالب مادة الكيمياء لكتابة الامتحان النهائي, يجب على الطالب القيام بامتحان شفوي في الأحياء, في حال كان الفرق علامة أو بقي الطالب على مستواه (5) فتحسب علامة الامتحان الشفوي في الشهادة, اما اذا كان الفرق علامتين أو أكثر, فيحسب متوسط العلامة النهائية للفصل الأول و الثاني و علامة الامتحان الشفوي في الشهادة

ملاحظات:
المعلومات مخصصة لل M-Kurs, هناك اختلاف بسيط للكورسات الباقية
قد يختلف المنهاج وطريقة التدريس من مدرس لآخر

	قبولك الجامعي في ألمانيا في متناول يدك